Telephone:
+94779456435

Email:
editor.todaynewslk@gmial.com

Facebook එකේ වාහන දැන්වීම් දාද්දි කල්පනාවෙන්! මේ ගැනත් දැනගන්න!

1 month ago

අන්තර්ජාලය ඔස්සේ වාහන අලෙවි කිරීමේ දැන්වීම් පළකර දෙන බව පවසා පුද්ගලයින්ගෙන් මුදල් වංචා කළ 21 හැවිරිදි තරුණයෙකු හෝමාගම, මාවත්ගම ප්‍රදේශයේදී මධ්‍යම අපරාධ විමර්ශන කාර්යාංශය මඟින් අත්අඩංගුවට ගෙන තිබේ.

Facebook ගිණුමක් ඔස්සේ වාහන අලෙවි කර දෙන බව පවසා, දැන්වීමක් පළ කිරීමට සතියකට රු. 5,000ක්, සති දෙකකට රු. 10,000ක් සහ මාසයකට රු. 15,000ක් බැගින් අයකර මුදල් ලබාගැනීමෙන් පසු දැන්වීම් පළ නොකර මුදල් වංචා කර ඇත.

සාපරාධී සාවද්‍ය පරිහරණය, සාපරාධී විශ්වාසය කඩ කිරීම සහ වෙනත් පුද්ගලයෙකු ලෙස පෙනී සිටිමින් වංචා කිරීම යන චෝදනා යටතේ මධ්‍යම අපරාධ විමර්ශන කාර්යාංශය වැඩිදුර විමර්ශන සිදුකරයි.