අයවැයට විරෝධය පළ කරමින් හෙට (නොවැම්බර් 23) ජාතික විරෝධතා දිනයක් ප්රකාශයට පත් කිරීමට සමස්ත රාජ්ය සේවා වෘත්තිය සමිති තීරණය කර තිබේ. ඒ අනුව, රාජ්ය සේවයේ ක්ෂේත්ර රැසක නිලධාරීන් සහ සේවකයින් මෙම විරෝධතා ක්රියාමාර්ගයට එක්වීමට නියමිතය.
ප්රධාන කරුණු සැකෙවින්:
- එක්වන ක්ෂේත්ර: සංවර්ධන නිලධාරීන්, කළමනාකරණ සේවා නිලධාරීන්, සෞඛ්ය සහායක කාර්ය මණ්ඩල, හෙද සහ තාක්ෂණික නිලධාරීන්, කාර්යාල සහායක කාර්ය මණ්ඩල, සමෘද්ධි නිලධාරීන්, පළාත් පාලන නිලධාරීන් මෙන්ම අධ්යාපන ක්ෂේත්රයට සම්බන්ධ වෘත්තිය සමිති රැසක් ද මෙම ක්රියාමාර්ගයට එක්වන බව සඳහන් කර ඇත.
- අමතර රාජකාරිවලින් ඉවත් වීමේ අනතුරු ඇඟවීම: රජය මේ සම්බන්ධයෙන් නිසි ප්රතිචාර නොදක්වන්නේ නම්, ‘අස්වැසුම’ සහ කෘෂිකර්ම සංගණන වැඩසටහන ඇතුළු අමතර රාජකාරිවලින් ඉවත් වන බව ප්රජා සවිබල ගැන්වීමේ නිලධාරීන් පවසයි.
- ගුරු – විදුහල්පති වර්ජනය: සිය ක්ෂේත්රයේ ඉල්ලීම් නොසලකා හැරීමට විරෝධය පළ කරමින් ලබන නොවැම්බර් 30 වැනිදා දීපව්යාප්ත එක්දින වැඩ වර්ජනයක් ක්රියාත්මක කිරීමට ද ගුරු – විදුහල්පති වෘත්තිය සමිති තීරණය කර තිබේ.
