Telephone:
+94779456435

Email:
editor.todaynewslk@gmial.com

GLEC ජාත්‍යන්තර සමුළු මාලාව ජපානයෙන් ඇරඹෙයි

15 minutes ago

රටක් දියුණු වීමට නම් ව්‍යවසායකත්ව මනසකින් යුතු ජනතාවක් මෙන්ම නායකත්වයක් ද බිහිවිය යුතු බව ගෝලීය ලාංකික ව්‍යවසායකත්ව එකමුතුවේ (GLEC) නිර්මාතෘ ව්‍යවසායක දිලිත් ජයවීර මහතා පවසයි. ලෝකය පුරා ව්‍යාප්තව සිටින ශ්‍රී ලාංකික ව්‍යවසායකයින් එකම ඩිජිටල් වේදිකාවකට එක්කරන ”GLEC ජාත්‍යන්තර සමුළු මාලාව” අද (නොවැම්බර් 22) ජපානයේ සුකුබාහිදී ආරම්භ කරමින් ඒ මහතා මේ බව ප්‍රකාශ කළේය.

ප්‍රධාන කරුණු සැකෙවින්:

  • ජපාන සමුළුවේ ආරම්භය: ජපානයේ වෙසෙන ශ්‍රී ලාංකික ව්‍යවසායකයින් රැසකගේ සහභාගීත්වයෙන් අද දහවල් සුකුබාහිදී මෙම සමුළුව ආරම්භ විය. සමුළුවෙන් අනතුරුව දිලිත් ජයවීර මහතා ඊට එක්වූ ශ්‍රී ලාංකිකයින් සමඟ සුහද කතාබහක ද නිරත වූ අතර, එරට වෙසෙන ශ්‍රී ලාංකිකයින්ගෙන් ඒ මහතා ඇතුළු පිරිසට උණුසුම් පිළිගැනීමක් හිමි විය.
  • GLEC ඩිජිටල් වේදිකාවේ අරමුණ: ලොව පුරා විසිරී සිටින ශ්‍රී ලාංකික ව්‍යවසායකයින්, වෘත්තිකයින් සහ විද්වතුන් එකම ඩිජිටල් වේදිකාවකට ගෙන එමින් ඔවුන්ට ගෝලීය වෙළෙඳපොළ අවස්ථා විවර කර දීමේ අරමුණින් ව්‍යවසායක දිලිත් ජයවීර මහතාගේ සංකල්පයක් මත මෙම ඩිජිටල් වේදිකාව නිර්මාණය කර ඇත.
  • ජාත්‍යන්තර ප්‍රවර්ධන වැඩසටහන: පසුගියදා කොළඹදී එළිදැක්වූ GLEC ඩිජිටල් වේදිකාව පිළිබඳව ලොව පුරා වෙසෙන ශ්‍රී ලාංකික ව්‍යවසායකයින් දැනුම්වත් කිරීම සඳහා වන ජාත්‍යන්තර සමුළු මාලාවේ පළමු පියවර මෙලෙස ජපානයෙන් ආරම්භ විය.