පසුගිය 12 වනදා ජනාධිපතිවරයා සහ නීතීඥ සංගමය අතර පැවති සාකඡාවේ සම්පූර්ණ වීඩියෝ පටිගත කිරීම ලබාදෙන ලෙස ඉල්ලා නීතීඥ සංගමය විසින් යොමු කළ ලිපියට ජනාධිපති මාධ්ය අංශය නිල පිළිතුරු ලිපියක් යොමු කර තිබෙනවා.
ජනාධිපති මාධ්ය අංශයේ අධ්යක්ෂ ජනරාල් ප්රසන්න පෙරේරා මහතාගේ අත්සනින් යුතුව මෙම ලිපිය යොමු කර තිබෙනවා.
අදාළ සාකච්ඡාවේදී නීතීඥ සංගමයේ සභාපතිවරයා සිදුකළ සම්පූර්ණ සංස්කරණය නොකළ වීඩියෝ පටිගත කිරීම පසුගිය අගෝස්තු 12වන දිනයේදීම ලබා දුන් බවද එම ලිපියේ සඳහන්.
තවද රැස්වීමට සහභාගී වූ අනෙකුත් පාර්ශවයන්ගේ අදහස් දැක්වීම් ඇතුළත් වීඩියෝ පටිගත කිරීම් අදාළ නිල ක්රියාපටිපාටීන්ට අනුකූලව හැකි ඉක්මනින්ම ඉදිරියේදී ලබා දීමට කටයුතු කරන බවද ලිපියේ සඳහන්ව තිබෙනවා.
අදාළ වීඩියෝ දර්ශන විධිමත්ව හා නිසි පරිදි ලබා දීමට ජනාධිපති කාර්යාලයේ සම්පූර්ණ සහයෝගය නිරන්තරයෙන් හිමිවන බවද එම ලිපිය මගින් වැඩිදුරටත් අවධාරණය කර තිබෙනවා.
