ප්රමාණවත් තරම් ගල්අඟුරු තොග නොලැබුණහොත් ලංකා ඉතිහාසයේ විශාලතම විදුලිය කප්පාදුවට ලබන වසරේදී මුහුණදීමට සිදුවනු ඇතැයි ලංකා විදුලිබල මණ්ඩලයේ ඉංජිනේරු සංගමය සඳහන් කරයි.
ලබන 2023 වසරේ ජූලි ආගෝස්තු සහ සැප්තැම්බර් මාසවලදී එම විදුලි කප්පාදුවට යෑමට සිදුවන බව ලංවීම ඉංජිනේරු සංගමයේ සභාපති නිහාල් වීරරත්න මහතා පවසයි.
නොරොච්චෝල ගල්අඟුරු බලාගාරය අඛණ්ඩව ක්රියාත්මක කිරීම සඳහා ගල්අඟුරු මෙට්රික්ටොන් 60000 නැවි 38ක් ගෙන්විය යුතු වුවත් මේ වනවිට ගෙන්වැ ඇත්තේ නැව් 4ක් පමණකැයි ද ඒ මහතා පෙන්වා දෙයි.
වැඩිදුරටත් අදහස් දැක්වු ඒ මහතා,
“වාරකන් කාලය 2022 සැප්තැම්බර් අවසන් වුණා. එතැන ඉඳලා 2022 ඉතුරු කාලපරිච්චේද වගේම 2023 අප්රේල් දක්වාත් විදුලි ජනනය සඳහා අවශ්ය ගල් අඟුරු ප්රමාණය මෙට්රික් ටොන් 60,000ක නැව් 38ක් එන්න ඕනේ. මේ වෙද්දි අපිට ඇවිත් තියෙන්නේ නැව් 4ක් පමණයි. පස්වෙනි නැව වරායේ යම් කිසි ප්රශ්නයක් වෙලා ඒ නැව එන්න ප්රමාද වෙනවා. මේ නැව් 38 ලබාගත්තේ නැත්නම් අප්රේල් 15 වෙද්දි පැහැදිලිවම ජූලි, අගෝස්තු, සැප්තැම්බර් වෙද්දි ලොකු විදුලි කප්පාදුවකට යන්න පුළුවන්. ඉතිහාසයේ ප්රථම විශාලතම විදුලි කප්පාදුව සිද්ධ වෙන්න පුළුවන්. ඒකයි අපි කියන්නේ 2023 දී කළුවර ජූලියක් එන්න පුළුවන්. දැනටමත් නැව් 20ක් ඇණවුම් කරලා එයින් 4යි ඇවිත් තියෙනවා. තව 16ක් තියෙනවා. ඒ නැව් හැකි ඉක්මනින් ළඟා කර ගැනීම අවශ්ය වෙනවා.
ලක්විජය විදුලි බලාගාරය රටේ අවශ්යතාවය ඇති විදුලි ප්රමාණයෙන් 45% ලබා දෙනවා. දැන් ගල්අඟුරු නොලැබුණොත් වෙනත් තාපවිදුලි බලාගාරවලින් විදුලිය මිලදී ගතහොත් ඒකට වැයවන පිරිවැය ඉතා විශාල මුදලක්. ලංකා විදුලිබල මණ්ඩලය විදියට අපි බලාපොරොත්තු වෙන්නේ අඩු මුදලකින් විදුලිය නිපදවා ගැනීමට. එහෙම නැති වුණොත් වෙන්නේ පැහැදිලිවම ලොකු විදුලිය විසන්ධි වීමකට යන්න වෙනවා. ඒ විදුලි කප්පාදුව මොනම විදියකින්වත් හදිසි විදුලිය මිල දී ගැනීමකින් කරන්න බෑ.”
