Telephone:
+94779456435

Email:
editor.todaynewslk@gmial.com

අත්‍යවශ්‍ය ආනයනික භාණ්ඩ මිල තවදුරටත් ඉහළ යාමේ අවදානමක්

3 months ago

එල්නිනෝ තත්ත්වය සහ මැදපෙරදිග යුදමය වාතාවරණය හේතුවෙන් ඉදිරියේදී ආනයනික අත්‍යවශ්‍ය ආහාර ද්‍රව්‍යවල මිල 20% ත් 25% ත් අතර අගයකින් ඉහළ යා හැකි බව අත්‍යවශ්‍ය ආහාර ද්‍රව්‍ය ආනයනකරුවන්ගේ සංගමයේ සභාපති ගනේෂ් විනායගම්සුන්දරම් ප්‍රකාශ කර ඇත. පසුගිය දින කිහිපයේදී ආනයනික සීනි කිලෝවක මිල රුපියල් 40කින් පමණ ඉහළ ගොස් තිබේ.

පවතින වියළි කාලගුණය නිසා අම්පාර, මඩකලපුව, මොණරාගල, පොළොන්නරුව සහ රත්නපුර යන දිස්ත්‍රික්ක 5ක ප්‍රාදේශීය ලේකම් කොට්ඨාස 19ක පවුල් 23,377ක පුද්ගලයින් 73,214 දෙනෙකු පානීය ජල හිඟයෙන් පීඩාවට පත්ව ඇත. ආපදා කළමනාකරණ මධ්‍යස්ථානය මඟින් ඉන් පවුල් 22,987ක පුද්ගලයින් 71,893 දෙනෙකුට ජලය බෙදා හැරීමේ කටයුතු සිදු කරමින් පවතී.

නැගෙනහිර පළාත, යාපනය, කිලිනොච්චිය, වව්නියාව, මුලතිව්, පොළොන්නරුව සහ මොණරාගල යන දිස්ත්‍රික්කවල උෂ්ණත්වය 39°C ත් 45°C ත් අතර ඉහළ අගයක පවතින බව කාලගුණ විද්‍යා දෙපාර්තමේන්තුව පවසයි.

අනුරාධපුර හුරුළුවැව සහ පලුගස්වැව තෙල් හවඩියාව වැව සිඳී යාමෙන් ගොවීන් පීඩාවට පත්ව සිටින අතර, තිරප්පනේ පණ්ඩිත රඹෑව ගම්මානයේ පාරම්පරික කුඹල් කර්මාන්තකරුවන්ට ද දැඩි අසීරුතාවන්ට මුහුණ දීමට සිදුව ඇත.

නවතම පුවත් (Latest News)