අමෙරිකාව සහ ඉරානය අතර ගැටුම් යළිත් උත්සන්න වීම හේතුවෙන් මැදපෙරදිග කලාපයේ යුද තත්ත්වය දිග්ගැස්සීමේ බරපතල අවදානමක් මතුව ඇති බව විදෙස් මාධ්ය වාර්තා කරයි.
විශේෂයෙන්ම ගෝලීය තෙල් ප්රවාහනයේ ප්රධානතම මාර්ගයක් වන හෝර්මුස් සමුද්ර සන්ධිය ආශ්රිතව හමුදාමය තත්ත්වය උණුසුම් වීමත් සමඟ ලෝක වෙළෙඳපොළේ තෙල් සැපයුම පිළිබඳ දැඩි අවදානම් තවයක් නිර්මාණය වී තිබේ.
මෙම අර්බුදය හමුවේ ලෝක වෙළෙඳපොළේ බ්රෙන්ට් (Brent) බොරතෙල් බැරලයක මිල අමෙරිකානු ඩොලර් 96කට ආසන්න වී ඇති අතර, WTI බොරතෙල් බැරලයක මිල ඩොලර් 92 දක්වා ඉහළ ගොස් ඇත.
හෝර්මුස් සමුද්ර සන්ධිය හරහා සිදුවන තෙල් ප්රවාහන කටයුතුවලට ඉදිරියේදී බාධා එල්ල වුවහොත්, බොරතෙල් බැරලයක මිල නොබෝ දිනකින්ම අමෙරිකානු ඩොලර් 100 සීමාව ඉක්මවා යනු ඇති බවට ආර්ථික හා වෙළෙඳපොළ විශ්ලේෂකයෝ අනතුරු අඟවති.
