පාස්කු ඉරුදින ත්රස්ත ප්රහාර සිද්ධිය කුමන්ත්රණය කිරීම, ආධාර අනුබල දීම ඇතුළු චෝදනා 23,270කට අධික සංඛ්යාවක් යටතේ නවුෆර් මවුලවි ඇතුළු විත්තිකරුවන් 24 දෙනෙකුට එරෙහිව පවරා තිබූ නඩුවේ තීන්දුව හෙට (22) දිනයේ ප්රකාශයට පත් කිරීමට නියමිතව තිබේ.
නවරත්න මාරසිංහ, රාමනාදන් කන්නන් සහ සුජීව නිශ්ශංක යන මහත්වරුන්ගෙන් සමන්විත කොළඹ ත්රිපුද්ගල මහාධිකරණ විනිසුරු මඩුල්ල හමුවේ මෙම නඩු විභාගය දීර්ඝ ලෙස පැවැත්විණි.
නීතිපතිවරයා විසින් ගොනු කරන ලද මෙම නඩුව වෙනුවෙන් පැමිණිලි පාර්ශ්වය විසින් සාක්ෂිකරුවන් 2,309 දෙනෙකු ඉදිරිපත් කර තිබූ අතර, දිනපතා පැවැති විමර්ශනවලින් පසු පැමිණිල්ලේ සහ විත්ති පාර්ශ්වයේ සාක්ෂි විමසීම පසුගිය අගෝස්තු මස 24 වනදා අවසන් කෙරිණි.
එම සාක්ෂි විභාගය නිමවීමෙන් අනතුරුව ත්රිපුද්ගල විනිසුරු මඩුල්ල විසින් සැප්තැම්බර් 22 වනදා නඩුවේ තීන්දුව ප්රකාශයට පත් කරන බව දැනුම් දෙන ලදී.
