පොළොන්නරුව ජාතික වකුගඩු රෝහලේ මුළුතැන්ගෙය තුළ අද (26) අලුයම 4:00ට පමණ සිදුවූ ගෑස් සිලින්ඩර පිපිරීමකින් පුද්ගලයින් 7 දෙනෙකු තුවාල ලබා තිබේ.
පිපිරීමෙන් රෝහල් ගොඩනැගිල්ලට දැඩි අලාභහානි සිදුවී ඇති අතර, තුවාල ලබා ඇත්තේ අදාළ වේලාවේ මුළුතැන්ගෙයි සේවයේ නියුතුව සිටි රෝහල් සේවකයින් පිරිසකි.
තුවාල ලැබූ සේවකයින් 7 දෙනා ප්රතිකාර සඳහා පොළොන්නරුව මහ රෝහල වෙත ඇතුළත් කර ඇති අතර, ඔවුන්ගෙන් තිදෙනෙකුගේ තත්ත්වය බරපතළ බව රෝහල් ආරංචි මාර්ග සඳහන් කරයි.
පිපිරීමෙන් වකුගඩු රෝහලේ නේවාසිකව ප්රතිකාර ලබන රෝගීන්ට හෝ එහි සේවයේ නියුතු සෞඛ්ය කාර්යමණ්ඩලයට කිසිදු අනතුරක් සිදුවී නොමැත.
නේවාසිකව සිටි රෝගීන්ව අලුයම සෞඛ්ය කාර්යමණ්ඩලය මැදිහත්වී සුරක්ෂිතව රෝහලෙන් පිටතට ගෙන, අවශ්ය ප්රතිකාර ලබාදීමෙන් අනතුරුව වැඩිදුර ප්රතිකාර සඳහා පොළොන්නරුව මහ රෝහල වෙත මාරු කර යැවීමට කටයුතු කර තිබේ.
