Telephone:
+94779456435

Email:
editor.todaynewslk@gmial.com

ප්‍රදීප් කාරියවසම්ට ඇප

2 months ago

හිටපු අගවිනිසුරු ශිරාණි බණ්ඩාරනායක මහත්මියගේ සැමියා වන ජාතික ඉතිරි කිරීමේ බැංකුවේ හිටපු සභාපති ප්‍රදීප් කාරියවසම් මහතා ඇප මත මුදාහැරීමට කොළඹ ප්‍රධාන මහේස්ත්‍රාත් අධිකරණය නියෝග කර තිබෙනවා.

කොළඹ අතිරේක මහේස්ත්‍රාත් දර්ශිමා ප්‍රේමරත්න මහත්මිය නියෝග කර ඇත්තේ සැකකරු රුපියල් ලක්ෂ 100 බැගින් වූ ශරීර ඇප දෙකක් මත මුදාහැරීමටයි.

එමෙන්ම ඔහුගේ විදේශ ගමන් තහනම් කිරීමටද අධිකරණය නියෝග කර ඇති බව සඳහන්.

අල්ලස් කොමිසමේ නිලධාරීන් සහ සැකකරුවන් වෙනුවෙන් පෙනී සිටි නීතිඥවරුන් ඉදිරිපත් කළ කරුණු සලකා බැලීමෙන් අනතුරුව මෙම නියෝගය නිකුත් කර තිබෙනවා.

ජාතික ඉතිරි කිරීමේ බැංකුව විසින් රුපියල් මිලියන 10ක මුදලක් සිරිලිය සවිය සංවිධානයේ බැංකු ගිණුමට බැර කිරීම තුළින් දූෂණය කිරීමේ වරදක් සිදුකිරීම, ඊට ආධාර අනුබලදීම සහ සාපරාධී සාවද්‍ය පරිහරණය යන චෝදනා සම්බන්ධයෙන් සැකපිට අල්ලස් කොමිසම විසින් ප්‍රදීප් කාරියවසම් මහතා ඇතුළු සැකකරුවන් අද (07) දහවල් අත්අඩංගුවට ගෙන අධිකරණයට ඉදිරිපත් කර තිබුණා.