Telephone:
+94779456435

Email:
editor.todaynewslk@gmial.com

ශිරන්ති රාජපක්ෂට බයිපාස් සැත්කමක් අවශ්‍ය බවට වෛද්‍ය වාර්තාවක්

1 month ago

‘සිරිලිය සවිය’ සංවිධානයට රුපියල් මිලියන 10ක මුදලක් ලබාදීමේ සිද්ධිය සම්බන්ධයෙන් රක්ෂිත බන්ධනාගාරගත කර සිටින ශිරන්ති රාජපක්ෂ මහත්මියගේ සෞඛ්‍ය තත්ත්වය පිළිබඳ විශේෂඥ වෛද්‍ය මණ්ඩල වාර්තාව අද (16) කොළඹ ප්‍රධාන මහේස්ත්‍රාත් අසංග එස්. බෝදරගම මහතා හමුවට ඉදිරිපත් කෙරිණි.

අදාළ වාර්තාව පරීක්ෂා කළ මහේස්ත්‍රාත්වරයා විවෘත අධිකරණයේදී ප්‍රකාශ කළේ, කොළඹ ජාතික රෝහලේ අධ්‍යක්ෂවරයාගේ ආවරණ ලිපියක් ද සහිතව ඉදිරිපත් කර ඇති එම වාර්තාවට අනුව ශිරන්ති රාජපක්ෂ මහත්මියට බයිපාස් සැත්කමක් සිදුකළ යුතු බවට සඳහන් වන බවයි.

අල්ලස් හෝ දූ#ණ චෝදනා විමර්ශන කොමිෂන් සභාව වෙනුවෙන් පෙනී සිටි අතිරේක සොලිසිටර් ජනරාල් දිලීප පීරිස් මහතා අදාළ වාර්තාව පරීක්ෂා කර කරුණු දැක්වීමට අවසර ඉල්ලා සිටි අතර, ඒ අනුව නඩුවේ වැඩිදුර කටයුතු පස්වරු 2.45 දක්වා කල් තැබුණි.