කොළඹ දිසා අපරාධ කොට්ඨාසයේ නිලධාරීන්ට ලද තොරතුරක් මත ඊයේ (17) සවස කිරිඳිවැල පොලිස් වසමේ හංවැල්ල පාර ප්රදේශයේ පිහිටි සිනමා ශාලාවක් පරීක්ෂාවට ලක් කර ඇති අතර, එහිදී ගිනිඅවි සහ පතොරොම් තොගයක් සමඟ 38 හැවිරිදි මිල්ලතේ ප්රදේශයේ පදිංචිකරුවෙක් පොලිසිය විසින් අත්අඩංගුවට ගෙන තිබේ.
අදාළ සිනමා ශාලාව තුළ තිබී විදෙස් රටක නිෂ්පාදිත පිස්තොල 02 ක්, රිවෝල්වර් අවියක්, විදෙස් රටක නිෂ්පාදිත රීපිටර් අවියක්, විදෙස් රටක නිෂ්පාදිත බෝර 12 අවියක්, බෝර 12 ජීව පතොරොම් 398 ක්, බෝර 16 ජීව පතොරොම් 278 ක්, පොයින්ට් 32 ජීව පතොරොම් 49 ක් සහ 3,083 ක් ඇතුළු ජීව පතොරොම් රැසක් මෙන්ම ජීව අත්බෝම්බ 02 ක් පොලිස් භාරයට ගෙන ඇත.
සිද්ධිය සම්බන්ධයෙන් කොළඹ දිසා අපරාධ කොට්ඨාසය වැඩිදුර විමර්ශන පවත්වයි.
