බෙංගාල බොක්කේ පැවති පීඩන අවපාතය ගැඹුරු පීඩන අවපාතයක් දක්වා වර්ධනය වී ඇති අතර, එය අද (26) දිනයේදී සුළි කුණාටුවක් බවටත් හෙට (27) වන විට ප්රබල සුළි කුණාටුවක් බවටත් තවදුරටත් තීව්ර වීමට ඉඩ පවතී.
පද්ධතියේ සෘජු බලපෑමක් නොමැති වුවද, පද්ධතිය දෙසට ඇදී යන සුළං ප්රවාහය දිවයින හරහා පවතින බැවින් නිරිතදිග ප්රදේශයේ වැසි තත්ත්වයේ වැඩිවීමක් ඉදිරි දිනවලදී අපේක්ෂා කෙරේ.
උතුරු, බස්නාහිර, සබරගමුව, දකුණ, වයඹ, මධ්යම සහ උතුරු මැද පළාත්වල මෙන්ම ත්රිකුණාමලය දිස්ත්රික්කයේ ඇතැම් ස්ථානවලට මි.මී. 100ට වැඩි තද වැසි ඇති විය හැක. ඌව පළාතට සහ අම්පාර, මඩකලපුව දිස්ත්රික්කවලට පස්වරු 1.00න් පසු වැසි ඇති වේ.
මධ්යම කඳුකරයේ බටහිර බෑවුම්, උතුරු, උතුරු මැද සහ වයඹ පළාත්වලත්, ත්රිකුණාමලය සහ හම්බන්තොට දිස්ත්රික්කවලත් පැයට කිලෝමීටර් 40–50 දක්වා තද සුළං හමන බැවින් අකුණු සහ තාවකාලික තද සුළං අනතුරුවලින් ආරක්ෂා වන ලෙස කාලගුණ විද්යා දෙපාර්තමේන්තුව ජනතාවට දැනුම් දෙයි.
