සමගි ජන බල පක්ෂයේ සභාපති සජිත් ප්රේමදාස මහතාට සහ එහි ලේකම් රංජිත් මද්දුමබණ්ඩාර මහතාට අදාල තනතුරු දැරීම වලක්වමින් අතුරු නියෝගයක් නිකුත් කරන ලෙස ඉල්ලා රාජ්ය ඇමැති ඩයනා ගමගේ මහත්මිය විසින් කොළඹ දිසා අධිකරණයේ ගොනු කළ පැමිණිල්ලට අදාලව කරුණු දක්වන ලෙස අද එම අධිකරණය සජිත් ප්රේමදාස මහතාට සහ රංජිත් මද්දුමබණ්ඩාර මහතාට නොතිසි නිකුත් කළේය.
ජනාධිපති නීතිඥ උදිත ඉගලහේවා මහතා මගින් කොළඹ දිසා අධිකරණය හමුවේ ගොනු කළ පෙත්සමකින් ඩයනා ගමගේ මන්ත්රීවරිය පෙන්වාදී ඇත්තේ සජිත් ප්රේමදාස හා රංජිත් මද්දුමබණ්ඩාර යන මහත්වරුන් තවදුරටත් එක්සත් ජාතික පක්ෂයේ සාමාජිකයින් බවයි.
එක්සත් ජාතික පක්ෂයේ මහලේකම්වරයාගේ දිවුරුම් ප්රකාශයක්, රංජිත් මද්දුම බණ්ඩාර මහතා පක්ෂයේ විනය ක්රියාමාර්ග අභියෝගයට ලක්කළ අධිකරණ ක්රියාවලිය ඇතුළු සාක්ෂි කිහිපයක් ද ඇය මීට අදාළව සාක්ෂි ලෙස ගොනුකර තිබේ.
මන්ත්රීවරිය පවසන්නේ සමගි ජලබලවේගය පක්ෂයේ ව්යවස්ථාවේ තුන්වන පරිච්ඡේදයේ තුන තුන වගන්තිය අනුව පක්ෂයේ සාමාජිකයෙකු වෙනත් පක්ෂයක සාමාජිකත්වය දරන්නේ නම් එනයින්ම සමගි ජනබලවේගයේ සාමාජිකත්වය අහෝසි වන බවයි.
මේ අනුව සජිත් ප්රේමදාස හා රංජිත් මද්දුමබණ්ඩාර යන මහත්වරුන් පක්ෂයේ සාමාජිකත්වය දැරීමත් නායක හා මහලේකම් තනතුරු දැරීමත් නීත්යනුකුල නොවන බවට නියෝගයක් ඉල්ලා සිටින ඩයනා ගමගේ මහත්මිය සිය පෙත්සමේ සඳහන් කර ඇත්තේ එය විභාග කරන තෙක් තනතුරු දැරීම අත්හිටුවමින් වාරණ නියෝගයක් නිකුත් කරන ලෙසයි.
