Telephone:
+94779456435

Email:
editor.todaynewslk@gmial.com

කඩාකප්පල්කාරී පිරිසකගෙන් සංගීත ප්‍රසංගයකට ලේසර් කිරණ සහිත විෂ දුම් ප්‍රහාරයක්! 60කට අක්ෂි ආබාධ!!

4 years ago

යාපනයේ චාවාකච්චේරී ප්‍රදේශයේ ඊයේ (22) රාත්‍රියේ පැවති සංගීත ප්‍රසංගයකට සහභාගී වූ පිරිසකට කඩා කප්පල්කාරීන් පිරිසක් විසින්  එල්ල කළ ලේසර් කිරණ සහිත දුමාරයක් නිසා පුද්ගලයින් හැට දෙනෙකු පමණ අක්ෂි රෝග වලට ලක්ව තිබේ.

සංගීත ප්‍රසංගය අතරවාරයේ එල්ල වූ මෙම දුමාරය නිසා අක්ෂි රෝග වලට ලක් වූවන් වෛද්‍ය ප්‍රතිකාර ලබා ගනිමින් සිටින අතර එක් පවුලක සාමාජිකයින් හතර පස් දෙනා බැගින් මේ දුමාර ප්‍රහාරයට හා ලෙසර් කිරණ ප්‍රහාරයට ලක්ව තිබේ.

අක්ෂි රෝගවලට ලක් වූවන් කියා සිටින්නේ තරුණයින් පිරිසක් මේ ලේසර් කිරණ ප්‍රහාරය හා දුමාරය එල්ල කොට සංගීත ප්‍රසංගය පැවති ක්‍රීඩාංගණයෙන් පලා ගිය බවය.

ඔවුන් කලු පැහැති වැහි කබා පැළඳ යතුරු පැදිවල ගමන කරනවිට පළඳින හිස්වැසුම් පැළද සිටි බවද මේ ප්‍රහාරයට ලක් වූ පිරිස් ප්‍රකාශ කරයි.

සංගීත ප්‍රසංගය කඩාකප්පල් කිරීමේ අරමුණින් යුතුව මේ ප්‍රහාරය එල්ල කළ බව සංගීත ප්‍රසංගය සංවිධානය කළ පිරිස ප්‍රකාශ කරති.