Telephone:
+94779456435

Email:
editor.todaynewslk@gmial.com

බස්නාහිර, මධ්‍යම හා සබරගමු පළාත් පාසල් වාර විභාග ගැන විශේෂ දැනුම්දීමක්

4 years ago

බස්නාහිර සහ මධ්‍යම පළාත්වල පාසල්වල හෙට (15) දිනයේ පැවැත්වීමට නියමිත වාර විභාග කිහිපයක් කල්දැමීමට තීරණය කර ඇත.

අපකළ විමසීමකදී අදාළ පළාත් අධ්‍යාපන අධ්‍යක්ෂවරුන් මේ බව තහවුරු කළේය.

ඒ අනුව බස්නාහිර පළාතේ හෙට (15) පැවැත්වීමට නියමිතව තිබූ 10,11 ශ්‍රේණි වාර විභාග එළඹෙන 22 වනදා පැවැත්වීමට සැලසුම්කර ඇත.

එසේම බස්නාහිර පළාතේ හෙට දිනයේ පැවැත්වීමට නියමිතව තිබූ 09 ශ්‍රේණියේ සිසුන්ගේ වාර විභාග එළඹෙන 21 වනදා පැවැත්වීමට සැලසුම්කර ඇත.

බස්නාහිර පළාත් අධ්‍යාපන අධ්‍යක්ෂවරයා වැඩිදුරටත් පැවසුවේ හෙට දිනය තුළ සිසුන්ට විභාග සඳහා පැමිණීමේදී ඇතිවිය හැකි ප්‍රවාහන අවහිරතා පිළිබඳව සලකාබැලීමෙන් අනතුරුව මෙම තීරණය ගත් බවය.

මේ අතර මධ්‍යම පළාත තුළ ද හෙට (15) දිනයේ පැවැත්වීමට නියමිත වාර විභාග කිහිපයක් කල්දැමීමට තීරණය කර ඇත.

ඒ අනුව හෙට (15) පැවැත්වීමට නියමිතව තිබූ 6 සිට 9වන ශ්‍රේණිය දක්වා සිසුන්ගේ වාර විභාග එළඹෙන 17 වනදා පැවැත්වීමට සැලසුම්කර ඇත.

එසේම හෙට දිනයේ පැවැත්වීමට නියමිතව තිබූ 10 සහ 11 ශ්‍රේණිවල සිසුන්ගේ වාර විභාග එළඹෙන 22 වනදා පැවැත්වීමට සැලසුම්කර ඇත.

මධ්‍යම පළාත් අධ්‍යාපන අධ්‍යක්ෂවරයා පැවසුවේ නොවැළැක්විය හේතුවක් මත මෙම තීරණය ගෙන ඇති බවය.

මේ අතර සබරගමුව පළාත් අධ්‍යාපන කාර්යාලය තීරණය කර ඇත්තේ හෙට දිනයේ පැවැත්වීමට නියමිතව තිබූ 6 ශ්‍රේණියේ සිට 11 වන ශ්‍රේණිය දක්වා සිසුන්ගේ වාර විභාග එළඹෙන 22වනදා පැවැත්වීමටයි.

මේ අතර දකුණු පළාතේ පාසල්හි 2023. 03.15 දිනට නියමිතව තිබූ විෂයයන් 2023. 03. 20 දින පැවැත්වීමට ද, 2023. 03. 20 දින පැවැත්වීමට නියමිතව තිබූ විෂයයන් 2023. 03. 23 දින පැවැත්වීමට ද අනෙකුත් විෂයයන් පෙර පරිදි ම පැවැත්වීමටද තීරණය කර තිබෙනවා.