ශ්රී ලංකාවේ දෙවුන්දර තුඩුව ප්රදේශයේ රේඩාර් පද්ධතියක් පිහිටුවීමට ඉඩ ලබා දෙන ලෙස ඉල්ලමින් ශ්රී ලංකාවට යෝජනාවක් ඉදිරිපත් කිරීමට චීනය සූදානම් වන බව විදෙස් මාධ්ය වාර්තා කරනවා.
එසේ යෝජනා කළ හොත් එහි අරමුණ ඉන්දියානු සාගර කලාපය තුළ ඉන්දියාවේ හැසිරීම සහ ඉන්දියානු නාවික හමුදාවේ ක්රියාකාරකම් පිළිබඳ නිරීක්ෂණය කිරීම බවයි ඉකොනොමික් ටයිම්ස් පුවත්පත පෙන්වා දී ඇත්තේ.
යෝජනා කිරීමට බලාපොරොත්තු වන රේඩාර් පද්ධතියේ අනෙක් අරමුණ නම් දියේගෝ ගාර්සියා දූපතේ ඇමෙරිකානු සහ බ්රිතාන්ය හමුදා ක්රියාකාරකම් නිරීක්ෂණය කිරීම බව මාධ්ය වාර්තා කරනවා.
රේඩාර් පද්ධතිය පිහිටු වුවහොත් අන්දමන් සහ නිකොබාර් දූපත් දක්වා නිරීක්ෂණය කිරීමේ හැකියාව එයට ලැබෙන බව සඳහන්.
එමෙන්ම මෙම ව්යාපෘතිය මෙහෙයවීමට ඉඩ ඇති ආයතනය චීන විද්යා ඇකඩමියේ අභ්යවකාශ තොරතුරු පර්යේෂණ ආයතනය බව ඉකොනොමික් ටයිම්ස් පුවත්පත ප්රකාශ කර තිබෙනවා.

