Telephone:
+94779456435

Email:
editor.todaynewslk@gmial.com

වෙසක් සිරි නරඹන්න ගිය ත්‍රී රෝද රථය පෙරලී යයි! ගබිණි මවක් ඇතුළු පිරිසක් බරපතල තුවාල ලබයි!

4 years ago

වෙසක් සිරි නරඹා නැවත පැමිණෙමින් සිටි පිරිසක් රැගත් ත්‍රී  රථයක් අද (07) හෝමාගම කිරිවත්තුඩුව ප්‍රදේශයේදී පෙරළී යාමෙන් එහි ගමන් ගත් ගැබිනි කාන්තාවක ඇතුළු සිවු දෙනකු තුවාල ලබා හෝමාගම  මූලික රෝහලට ඇතුළත් කර ඇති බව කහතුඩුව පොලිසිය පවසයි .

මෙසේ රෝහල් ගත කර ඇත්තේ කිරිවත්තුඩුව තලගල ප්‍රදේශයේ පදිංචි එකම පවුලේ අඹු සැමි යුවලක් හා එම කාන්තාවගේ මව ,  සොහොයුරියන් දෙදෙනෙකු බව පොලිසිය කියයි .

මොවුන් ඊයේ ( 06 ) සවස නිවසේ ත්‍රිරෝද රථයෙන් බෞද්ධාලෝක මාවත ඇතුළු කොළඹ අවට වෙසක් සිරි නැරඹීම සඳහා නිවසින් ගොස් ඇති අතර පසුව එය අවසන් වී නිවසට එමින් සිටියදී අලුයම 2.30 පමණ කිරිවත්තුඩුව අඹගස් හන්දිය ආසන්නයේ පිහිටි පල්ලමේ දී රියදුරුට නින්ද යාමෙන් මාර්ගයෙන් ඉවතට පැන  විරුද්ධ මංතීරුව  අසල ඉදිකර තිබූ විදුලි කණුවක ගැටී පෙරළී යාමෙන් මෙම අනතුර සිදුව තිබේ.

අනතුරින් එහි ගමන් ගත් ගැබිනි කාන්තාව සිහිසුන් ව සිට ඇති අතර පසුව එම මාර්ගයෙන් කොළඹ දෙසට ගමන් කරමින් තිබු වෑන් රථයක රියදුරු අනතුර දැක පසුව ප්‍රතිකාර සඳහා  හෝමාගම මූලික රෝහලට ඇතුළත් කර තිබේ.

තුවාල ලැබූවන් අතර ගැබිනි කාන්තාව ඇතුළු  දෙනකුගේ තත්ත්වය බරපතල බැවින් ඔවුන් දැඩි සත්කාර ඒකකයේ ප්‍රතිකාර ලබන බව රෝහල් ප්‍රකාශකයෙකු පැවසීය.

අනතුරෙන් ත්‍රිරෝද රථයට ද හානි සිදුව තිබේ.