Telephone:
+94779456435

Email:
editor.todaynewslk@gmial.com

අද සිට පොලිසියෙන් රථ වාහන රියදුරන්ගේ මුත්‍රා සාම්පල ලබා ගැනීම අරඹයි

4 years ago

බීමත් රියදුරන් අත්අඩංගුවට ගැනීමේ නව වැඩසටහනක් අද සිට ආරම්භ කර තිබෙනවා.

මෙහිදී සිදුවන්නේ රියදුරන්ගේ මුත්‍ර සාම්පල පරීක්ෂා කර ඔවුන් බීමත්ද නැත්ද යන්න සම්බන්ධයෙන් සොයා බැලීමක් සිදුකිරීමයි.

මෙහිදී බීමත් යැයි සැක සිතන රියදුරන් පොලිස් ස්ථාන වෙත රැගෙන ගොස් ඔවුන්ගේ මුත්‍ර සාම්පල පරීක්ෂාවට ලක් කරනවා.

පොලීසිය පැවසුවේ, එමඟින් මත්පැන් පමණක් නොව මත්ද්‍රව්‍ය භාවිත කර ඇත්ද යන්න පිළිබඳව ද තහවුරු කර ගැනීමට හැකි වන බවයි.

මීට පෙර පරීක්ෂණයේදී මත්පැන් පානය කර ඇත්ද යන්න පමණක් අනාවරණය කර ගැනීම සිදුවූ අතර, නව වැඩපිලිවෙල යටතේ මත්පැන් සහ මත්ද්‍රව්‍ය වර්ග 06 ක් භාවිත කර ඇත්දැයි අනාවරණය කර ගැනීමට හැකි වනවා.

මීට පෙරද රියදුරන්ගේ මුත්‍රා සාම්පල පරීක්ෂා කිරීම සිදුවුණා.

එහෙත් එය සිදුවූයේ වෛද්‍යවරයෙකුගේ අධීක්ෂණය යටතේයි.

මෙවර එහි විශේෂත්වය වන්නේ අද සිට එම කටයුතු පොලීසියේ සෘජු මැදිහත්වීමෙන් සිදුකිරීමයි.

මෙම නියමු ව්‍යාපෘතිය ක්‍රියාත්මක කිරීම සඳහා අවශ්‍ය උපකරණ කට්ටල මේ වන විට පොලිස් ස්ථාන වෙත ලබාදී තිබෙනවා.

පොලිස් ආරංචි මාර්ග සඳහන් කළේ, අද සිට එය නියමු ව්‍යාපෘතියක් වශයෙන් බස්නාහිර පළාත තුළ ක්‍රියාත්මක කිරීම ආරම්භ කරන බවයි.

පසුව සෙසු පළාත්වලද එය ක්‍රියාත්මක කිරීමට නියමිතය.(source – gagana)