Telephone:
+94779456435

Email:
editor.todaynewslk@gmial.com

සිසුන් පස් දෙනෙකු එකතු වී සාමාන්‍ය පෙළ විභාගය අතරතුරදී සිසුවෙකුට පහර දීලා! මුත්‍රා මාර්ගයෙන් ලේ වහනය වූ සිසුවා රෝහල්ගත කෙරේ!

3 years ago

අපොස සාපෙල විභාගයට පෙනී සිටී පානදුර ජනප්‍රිය පාසලක සිසුවෙකුගේ යටි බඩට පයින් පහරදීමෙන් මුත්‍රා මාර්ගයෙන් රුධිරය වහනයවි රෝහල්  ගතකර ඇතැයි පානදුර දකුණ පොලිසිය පවසයි.

පහරදීම සිදුකල සිසුන් පස්දෙනෙකු අත්අඩංගුවට ගැනීමට නියමිත බව උසස් පොලිස් නිළධාරීයෙක් කීය.

පහරකෑ පාසල් සිසුවා විද්‍යාව දෙවන ප්‍රශ්න පත්‍රයට පිළිතුරු සපයා පළමු ප්‍රශ්න පත්‍රයට පෙර පැය දෙකක පමණ විවේක කාලයක් තිබීම නිසා එම කාලයේ පාඩම් කරමින් සිටියදී තවත් සිසුන් පස් දෙනෙකු ඔහු සමග ආරවුලක් ඇතිකර ගෙන ඇතැයි පොලිසිය කීය.

පහරකෑමෙන් පසු සිසුවා පානදුර මූලික රෝහලට ඇතුලත් කර ඇති අතර, ඔහුගේ මුත්‍රා මාර්ගයෙන් රුධිරය වහනය විමක් සිදුව ඇති බව රෝහල් ආරංචි මාර්ග සදහන් කරයි.

සිදුවීම සම්බන්දයෙන් කිසියම් පුද්ගලයෙක් කළුතර කලාප අධ්‍යාපන කාර්යාලයට කල දැනූම්දීමකින් පසු පොලිසිය  දැනුවත් කිරීමෙන් අනතුරුව පරීක්ෂණ ආරම්භ කර තිබේ.

සිසුවා රෝහලින්  කැටුවවිත් පළමු ප්‍රශ්න පත්‍රයට පිළිතුරු සපයා ඇති අතර , විභාගය අවසානයේ පියා සමග පැමිණ පැමිණිල්ලක් කර සිසුවා නැවත රෝහල් ගතකර ඇති බව පොලිසිය සදහන් කරයි.

ජේෂ්ඨ පොලිස් අධිකාරී සමන්ත වෙදගේ , සහකාර පොලිස් අධිකාරී නිශාන්ත සේනාරත්න යන මහත්වරුන්ගේ උපදෙස් පරිදි මූලස්ථාන පොලිස් පරීක්ෂක උපුල් ප්‍රියංකර නාවුල්ල මහතාගේ ප්‍රධානත්වයෙන් පරීක්ෂණ පවත්වති.