Telephone:
+94779456435

Email:
editor.todaynewslk@gmial.com

ලබන මස සිට අධිවේගයේ ලංගම බස් කොන්දොස්තරලා නැතුව ගමන් අරඹයි

3 years ago

කොන්දොස්තරලා නොමැතිව ලංගම බස් රථ සියළුම අධිවේගී මාර්ගවල ජුලි 01 වනදා සිට ක්‍රියාත්මක කිරීමට තීරණය කර තිබෙනවා.

ප්‍රවාහන අමාත්‍යාංශය කියා සිටියේ අධ්වේගී මාර්ගවල ගමන් ගන්නා ලංගම බස් රථ සඳහා ප්‍රවේශපත්‍ර ලබාදීම ගමන ආරම්භයේ දී පමණක් සිදු වනු ඇති බවයි.

මාතර මාකුඹුර ලංගම අධිවේගී බස් රථයක එක් ප්‍රවේශපත්‍රයක් රුපියල් 1,200ක් වන අතර එවැනි ප්‍රවේශපත්‍ර මඟීන් 34 දෙනෙකු සඳහා ව්‍යාජ ප්‍රවේශපත්‍ර වශයෙන් ලබාදීමේ ජාවාරමක් හෙළිදරව්වීමෙන් පසු මෙම තීරණය ගෙන තිබෙනවා.

මේ වන විට සිද්ධිය සම්බන්ධයෙන් පරීක්ෂණ රහස් පොලීසිය මඟින් දැනටමත් සිදු කරමින් පවතිනවා.

ප්‍රවාහන අමාත්‍යංශය වැඩිදුරටත් කියා සිටියේ සියළු ලංගම බස් රථ සහ දුම්රිය සඳහා ඊ ප්‍රවේශපත්‍ර ඉදිරි තෙමස තුළ හඳුන්වා දීමට නියමිත බවයි.