Telephone:
+94779456435

Email:
editor.todaynewslk@gmial.com

තෙල්දෙණියේ වාහන කොල්ලයට මන්ත්‍රී පුතෙක් ඇතුළු තිදෙනෙක් අත්අඩංගුවට

3 years ago

තෙල්දෙණිය කෙංගල්ල ප්‍රදේශයේ වාහන අලෙවිසලකින් සුඛෝපභෝගී ජීප් රථ තුනක් සහ වෑන් රියක් කොල්ලකෑමේ සිද්ධියකට සැකපිට මධ්‍යම පළාත් සභාවේ හිටපු මන්ත්‍රීවරයෙක්ගේ පුත්‍රයෙක් ඇතුළු තිදෙනෙක් අත්අඩංගුවට ගෙන තිබෙනවා.

වත්තේගම පොලීසියට ලද තොරතුරක් මත මෙම සැකකරුවන් තිදෙනා අත්අඩංගුවට ගෙන ඇති බව සඳහන්.

පොලීසිය කියා සිටියේ පොදුජන පෙරමුණු හිටපු මන්ත්‍රීවරයාට අයත් පල්ලේගම දොරගමුවේ නිවස පිටුපස ගරාජයේ තිබී කොල්ලකෑ ජීප් රථ දෙකක් අත්අඩංගුවට ගත් බවයි.

තෙල්දෙණිය කෙංගල්ල ප්‍රදේශයේ වාහන අලෙවිසලකට පසුගිය (29) වනදා අළුයම කඩා වැදුණු පස් දෙනෙක්ගෙන් යුත් කොල්ල කල්ලියක් රුපියල් කෝටි 12ක් පමණ වටිනා ඩිෆෙන්ඩර් වර්ගයේ ජීප් රථ තුනක් සහ වෑන් රථයක් පැහැරගෙන ගොස් තිබුණා.

තෙල්දෙණිය පොලීසිය සඳහන් කළේ ඔවුන් එම අලෙවි සැලේ මුරකරුවන් බැඳ දමා මෙම වාහන මංකොල්ලය සිදුකර ඇති බවයි.

කොල්ලකෑ වාහන අතුරින් ජීප් රථ දෙකක් වත්තේගම ගරාජයක දී කොටස් කිරීමට සුදානම් කර තිබියදී පොලීසිය විසින් සොයා ගනු ලැබුවා.