Telephone:
+94779456435

Email:
editor.todaynewslk@gmial.com

breast feeding to babies

වැඩ කරන අම්මලාට කිරිදෙන්න පැය දෙකක්

3 years ago

රාජ්‍ය, අර්ධ රාජ්‍ය මෙන්ම පෞද්ගලික අංශයේ සේවය කරන දරු ප්‍රසුතිය සිදුකළ මවකට තම දරුවාට කිරි ලබාදීම සඳහා එක් පැයක් නොව කිරි පැය දෙකක් හිමිවන බව කම්කරු දෙපාර්තමේන්තුවේ කාන්තා හා ළමා කටයුතු අංශයේ කම්කරු කොමසාරිස් එන්.එමි.වයි.තුෂාරි පැවසුවාය.

වැඩට යන දෙමාපියන්ට සහනදායි වෙනසක් මවුකිරි දෙන්න සවියක් යන තේමාවෙන් ලෝක මවුකිරි දීමේ දිනයට සමගාමීව ඊයේ [ 19 ] පවුල් සෞඛ්‍ය කාර්යාංශය සහ සෞඛ්‍ය ප්‍රවර්ධන කාර්යාංශය හා එක්ව සෞඛ්‍ය ප්‍රවර්ධන කාර්යාංශයේදී විශේෂ මාධ්‍ය හමුවක් පැවැත්විණ. එහිදී ඇය මෙලස කියා සිටියාය.

මෙලස කිරි පැය දෙකක් හිමිවන බව බොහෝ දෙනා නොදැන සිටි කරුණක් බවත් එලස පැය දෙකක කාලයක් හිමිවී තිබුණේ 2018 වසරේ සිදුකළ සංශෝධනයක ප්‍රතිඵලයක් ලෙසින් බවත් ඇය කියා සිටියාය.

ඒ අනුව අදාළ මවගේ සේවා කාලය තුළ ඕනෑම පැය දෙකක් දරුවාට කිරි දීම සඳහා යාමට ඉඩ ලබාදීමට සේවා යෝජකයා බැඳී සිටී.

උදෑසන රාජකාරිය ආරම්භ වන වෙලාවට පැයක් පසුව සහ රාජකාරි අවසන් වන වෙලාව ට පැයක් පෙර මෙලස කිරි ලබාදීමේ පැය දෙක ලබාගැනීමට හැකිය.

එසේත් නොමැතිනම් අදාළ මව කැමති ඕනෑම වේලාවන් දෙකක දරුවාට කිරි ලබාදිය හැකිය. එමෙන්ම අදාළ මව සේවය කරන ස්ථානයේම දරුවා සිටී නම් එම දරුවාට කිරි ලබාදීම සඳහා සේවා කාලය තුළ ඕනෑම වෙලාවක පැය භාගය බැගින් දෙවරක් හිමි වේ.