Telephone:
+94779456435

Email:
editor.todaynewslk@gmial.com

Pramitha Bandara Tennakoon - State Minister of Defense Sri Lanka

ආරක්ෂක රාජ්‍ය ඇමතිවරයාට තර්ජනය කළ පුද්ගලයාට හිමි වූ දඬුවම

3 years ago

රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතාට තර්ජනාත්මක කෙටි පණිවිඩ යැවීම සහ ෆේස්බුක් ඔස්සේ තර්ජනාත්මක පල කිරීම් සිදුකිරීමේ සිද්ධියක් සම්බන්ධයෙන් අත්අඩංගුවට ගත් සැකකරුවකු අගෝස්තු මස 03 වන දා දක්වා රක්ෂිත බන්ධනාගාර ගත කරන ලෙස නාඋල මහේස්ත්‍රාත් අධිකරණය නියෝග කර තිබේ.

අරගලය පැවති කාලසීමාව තුළදී එලෙස රාජ්‍ය අමාත්‍යවරයාට තර්ජනය කිරීම සම්බන්ධයෙන් අදාළ සැකකරු අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන අධිකරණයට ඉදිරිපත් කර තිබුණි.

අපරාධ පරීක්ෂණ දෙපාර්තමේන්තුව වෙනුවෙන් පෙනී සිටි ජේෂ්ඨ රජයේ නීතිඥ ශමින්ද වික්‍රම මහතා අධිකරණය හමුවේ කරුණු දක්වමින් අරගලය සමයේ මෙම සැකකරු රාජ්‍ය අමාත්‍යවරයාට තර්ජනාත්මක කෙටි පණිවිඩ යොමු කර ඇති බවට විමර්ශන වලින් කරුණු අනාවරණය වී ඇති බව සඳහන් කළේය.

එමෙන්ම ෆේස්බුක් ඔස්සේ මෙම සැකකරු අමාත්‍යවරයාට එරෙහිව තර්ජනාත්මක පලකිරීම් සිදුකර ඇතැයි සඳහන් කළ ජේෂ්ඨ රජයේ නීතිඥවරයා පුද්ගලයින්ට අදහස් පළකිරීමේ නිදහස ආණ්ඩුක්‍රම ව්‍යවස්ථාවෙන් හිමිවී තිබුණත් එය නීති විරෝධී ආකාරයට පරිහරණය කිරීමට අවකාශ නොමැති බවත් පෙන්වා දුන්නේය.

මෙම ක්‍රියාව තුළින් සැකකරු පාර්ලිමේන්තු වරප්‍රසාද පනතද උල්ලංඝනය කර තිබෙන බව රජයේ නීතිඥවරයා සඳහන් කළේය.

මෙම ක්‍රියා තුළින් සැකකරු ඇප පනතේ විධිවිධාන ද උල්ලංඝනය කර තිබෙන හෙයින් ඔහුගේ ඇප ඉල්ලීම ප්‍රතික්ෂේප කර රක්ෂිත බන්ධනාගාර ගත කර ලෙසත් ජේෂ්ඨ රජයේ නීතිඥ ෂමින්ද වික්‍රම මහතා ඉල්ලා සිටියේය.

එම ඉල්ලීම පිළිගත් අධිකරණය අදාළ සැකකරු අගෝස්තු මස 3 වනදා දක්වා රක්ෂිත බන්ධනාගාර ගත කිරීමට නියෝග කළේය.