ඉන්දියානු රුපියල සම්බන්ධයෙන් සංසරණය වන වැරදි අර්ථකථනවලින් නොමඟ නොයන ලෙස ශ්රී ලංකා මහ බැංකුව මහජනතාවගෙන් ඉල්ලීමක් කර තිබෙනවා.
විශේෂ නිවේදනයක් නිකුත් කරමින් මහ බැංකුව සඳහන් කර ඇත්තේ දේශීය ගෙවීම් සහ පියවීම් සඳහා ශ්රී ලංකාවේ වලංගු මුදල් ඒකකය ලෙස ශ්රී ලංකා රුපියල එලෙසම පවතිනු ඇති බවයි
අදාළ නිවේදනයේ වැඩිදුරටත් සදහන් වන්නේ ඉන්දියාව ශ්රී ලංකාවේ සංචාරක ව්යාපාරයේ ප්රධාන මුලාශ්ර රටක් වන බැවින් බැංකු ගනුදෙනු සඳහා ඉන්දීය රුපියල නම් කරන ලද විදේශ ව්යවහාර මුදල් වර්ගයක් ලෙස අනුමත කිරීම ඉන්දියානු සංචාරකයින්ට වැඩි පහසුවක් බවයි
ඉන්දියානු රුපියල නම් කරන ලද විදේශ ව්යවහාර මුදල් වර්ගයක් ලෙස අනුමත කිරීමෙන් ශ්රී ලංකාව තුළ දේශීය ගෙවීම්/ පියවීම් කිරීම් සඳහා ඉන්දියානු රුපියල වලංගු මුදල් ඒකකයක් (Legal Tender) බවට පත් නොවේ.
ශ්රී ලංකාව තුළ නේවාසිකයන් අතර සිදුවන සියලු ගනුදෙනු සඳහා භාවිත කල හැක්කේ ශ්රී ලංකාවේ වලංගු මුදල් ඒකකය වන ශ්රී ලංකා රුපියල පමණයි
මේ අතර ශ්රී ලංකා මහ බැංකුව විසින් 1979 මැයි මස සිට වරින් වර නම් කරන ලද විදේශ ව්යවහාර මුදල් හඳුනාගෙන තිබෙනවා
2022 අගෝස්තු මාසයේ දී අලුතෙන් ම නම් කරන ලද විදේශ ව්යවහාර මුදල් වර්ගය වූ ඉන්දියානු රුපියල ඇතුළු ව, බැංකු පනත සහ විදේශ විනිමය පනත යටතේ පවත්නා විධිවිධාන අනුව, දැනට විදේශ ව්යවහාර මුදල් වර්ග 16ක් අනුමත වී තිබෙනවා
ඒ අනුව නම්කරන ලද විදේශ ව්යවහාර මුදල් ලැයිස්තුව
ඕස්ට්රේලියානු ඩොලර් කැනේඩියානු ඩොලර්
චීන රෙන්මින්බි
ඩෙනිෂ් ක්රෝනර්
යූරෝ
හොංකොං ඩොලර්
ඉන්දියානු රුපියල්
ජපන් යෙන්
නවසීලන්ත ඩොලර් නෝර්වීජියානු ක්රෝනර් ස්ටර්ලිං පවුම්
සිංගප්පූරු ඩොලර්
ස්විඩිෂ් ක්රෝනර්
ස්විස් ෆ්රෑන්ක්
තායි බාත් ඇමරිකානු එක්සත් ජනපද ඩොලර
නම් කරන ලද විදේශ ව්යවහාර මුදල් ලෙස විදේශ ව්යවහාර මුදල් අනුමත කිරීමේ ප්රධාන අරමුණ වනුයේ රටවල් දෙකක් අතර පවත්නා වෙළෙඳ සහ ආයෝජන සබඳතා දිරි ගැන්වීමයි.
තව ද, එමගින් ද්විත්ව පරිවර්තනය නිසා සිදුවන අමතර ගනුදෙනු පිරිවැය අඩු වනු ඇති අතර, එය විධිමත් බැංකුකරණ මාධ්යය ඔස්සේ වෙළෙඳ ගනුදෙනු ප්රවර්ධනය කිරීමට ද සහාය වනු ඇති.
මේ අතර දේශීය ගෙවීම් සහ පියවීම් සඳහා ශ්රී ලංකාවේ වලංගු මුදල් (Legal Tender) ඒකකය ලෙස ශ්රී ලංකා රුපියල එලෙස ම පවතිනවා
2000 මාර්තු මස ක්රියාවට නැංවුණු ඉන්දු – ශ්රී ලංකා නිදහස් වෙළෙඳ ගිවිසුමෙන් පසුව ශ්රී ලංකාව හා ඉන්දියාව අතර වෙළෙඳාම සීඝ්රයෙන් වර්ධනය වී තිබෙනවා
ශ්රී ලංකාව සහ ඉන්දියාව අතර ආර්ථික කටයුතු පුළුල් කිරීමේ අරමුණින් විශේෂයෙන් ම දෙරට අතර පවත්නා වෙළෙඳ සබඳතා දිරිගැන්වීම සඳහා ශ්රී ලංකා මහ බැංකුව විසින් දෙරට අතර ගනුදෙනු සඳහා පහසුකම් සැලසීමට, ශ්රී ලංකාව තුළ නම් කරන ලද විදේශ ව්යවහාර මුදල් වර්ගයක් ලෙස ඉන්දියානු රුපියල අනුමත කිරීමට කැමති බව ඉන්දියාවේ මුදල් අධිකාරිය වන ඉන්දියානු සංචිත බැංකුව වෙත විවිධ අවස්ථාවන්හි දී සන්නිවේදනය කරනු ලැබුවා
තව ද, ඉන්දියාව ශ්රී ලංකාවේ සංචාරක ව්යාපාරයේ ප්රධාන මූලාශ්ර රටක් වන බැවින්, බැංකු ගනුදෙනු සඳහා ඉන්දියානු රුපියල නම් කරන ලද විදේශ ව්යවහාර මුදල් වර්ගයක් ලෙස අනුමත කිරීම, ඉන්දියානු සංචාරකයින්ට වැඩි පහසුවක් එක් කරනු ඇත්තේ.
ඒ අනුව, 2022 අගෝස්තු මාසයේ දී, ඉන්දියානු සංචිත බැංකුවේ එකඟත්වය සමගින් ශ්රී ලංකා මහ බැංකුව විසින් ශ්රී ලංකාව තුළ නම් කරන ලද විදේශ ව්යවහාර මුදල් වර්ගයක් ලෙස ඉන්දියානු රුපියල අනුමත කරන ලදී. කෙසේ වෙතත්, ශ්රී ලංකාව තුළ විදේශ ව්යවහාර මුදල් වර්ගයක් ලෙස ඉන්දියානු රුපියලෙහි භාවිතය ඉන්දියානු සංචිත බැංකුව විසින් නිකුත් කරනු ලබන සීමාවන්වලට යටත් වෙනවා
විශේෂයෙන්ම කුඩා පරිමාණ වෙළෙඳුන් විසින් ඉන්දියානු රුපියල්වලින් සිදුකෙරෙන බැංකු ගනුදෙනු සුමට ව සිදු කිරීමට පහසුකම් සැලසීම, වෙළෙඳ ගනුදෙනු සඳහා අවිධිමත් මාර්ග භාවිත කිරීම වෙනුවට බැංකු මාධ්යය භාවිත කිරීමට වෙළෙඳුන් දිරිමත් කිරීම සහ ඉන්දියානු රුපියල්, ඇමරිකානු එක්සත් ජනපද ඩොලර්වලට මාරු කිරීමේ දී සිදුවන ද්විත්ව පරිවර්තනය නිසා වන අමතර ගනුදෙනු පිරිවැය අඩු කිරීම ඇතුළු බොහෝ ප්රයෝජන නම් කරන ලද විදේශ ව්යවහාර මුදල් වර්ගයක් ලෙස ඉන්දියානු රුපියල අනුමත කිරීම හේතුවෙන් ශ්රී ලංකාවට ලැබීමට නියමිතයි.

