Telephone:
+94779456435

Email:
editor.todaynewslk@gmial.com

ජනපති හා පොහොට්ටුව අතර හදිසි හමුවක්

3 years ago

ශ්‍රී ලංකා පොදුජන පෙරමුණේ නියෝජිතයින් පිරිසක් සහ ජනාධිපති රනිල් වික්‍රමසිංහ මහතා අතර සාකච්ඡාවක් මේ වන විට පැවැත්වෙයි.

අද (18) පෙරවරු 11.30ට ජනාධිපති ලේකම් කාර්යාලයේ දී එම සාකච්ඡාව ආරම්භ වී ඇති බව වාර්තා වෙයි.

සාකච්ඡාව සඳහා පොදුජන පෙරමුණේ මහලේකම් නීතීඥ සාගර කාරියවසම් මහතා, පාර්ලිමේන්තු මන්ත්‍රී සංජීව එදිරිමාන්න මහතා මෙන්ම පොදුජන පෙරමුණේ හිටපු පළාත් පාලන ආයතන ප්‍රධානීන් ඇතුළු පිරිසක් සහභාගී වී සිටිති.

පළාත් පාලන මැතිවරණය කල්යාම හේතුවෙන් ඒ සඳහා නාමයෝජනා භාරදුන් තම සාමාජිකයින් මුහුණ දී ඇති ගැටලු සම්බන්ධයෙන් ජනාධිපතිවරයාගේ අවධානය යොමුකිරීම මෙම සාකච්ඡාවේ අරමුණ බව ශ්‍රී ලංකා පොදුජන පෙරමුණේ මහලේකම් සාගර කාරියවසම් මහතා සඳහන් කළේය.

මැතිවරණය කල්යාම හේතුවෙන් නාමයෝජනා ලබාදුන් හිටපු පළාත් පාලන ආයතන නියෝජිතයින් දැඩි දුෂ්කරතාවට පත්ව ඇති බවත් රාජ්‍ය සේවයේ නිරත ඇතැමුන්ට රැකියාව සිදුකිරීමේ දි විවිධ බාධා මතුව ඇති බවත් මහලේකම්වරයා පෙන්වා දුන්නේය.