Telephone:
+94779456435

Email:
editor.todaynewslk@gmial.com

5 ශ්‍රේණිය ශිෂ්‍යත්ව විභාග ප්‍රශ්න පත්‍රයේ වෙනසක්! දරුවන්ට සුබ පණිවිඩයක්!

3 years ago

අධ්‍යාපන ක්ෂේත්‍රයේ ප්‍රතිසංස්කරණවලට අදාළව පහ ශ්‍රේණියේ ශිෂ්‍යත්ව විභාග ප්‍රශ්න පත්‍රය ද ලිහිල් කිරීමට අධ්‍යාපන අමාත්‍යාංශය සූදානම් වෙයි.

මින් ඉදිරියට එම ප්‍රශ්න පත්‍රය සකස් කිරීමට නියමිතව ඇත්තේ විෂය කරුණුවලට ප්‍රමුඛතාව ලබා දීමකින් තොරව සංඛ්‍යා හා අක්ෂර පිළිබඳ දැනුමට වැඩි ප්‍රමුඛතාවක් ලබා දෙමිනි.

ලිවීමේ හා කියවීමේ හැකියාවට ප්‍රමුඛතාව දිය යුතුය යන්න විද්වතුන්ගේ අදහස වී තිබෙන බවත් පරිසරය වැනි විෂයයන්ට අදාළ කරුණු තරමකින් ඇතුළත් කිරීමට හැකි වන බවත් මේ සම්බන්ධයෙන් අප කළ විමසුමකට පිළිතුරු දුන් අධ්‍යාපන ඇමැති ආචාර්ය සුසිල් ප්‍රේමජයන්ත පැවසීය.

දැනට සකස් කෙරෙන ප්‍රශ්න පත්‍රය දරුවන්ට බර වැඩි හෙයින් මෙම පියවර ගන්නා බවත් දැනට පවතින තත්ත්වය යටතේ දරුවන්ගේ දක්ෂතා සමබරව මැනෙන තත්ත්වයක් දක්නට නැති බවත් ඇමැතිවරයා සඳහන් කළේය.

දැන් ක්‍රියාත්මකව පවතින තත්ත්වය යටතේ දරුවන්ගේ මනස විකෘති වන බවත් ඇමැතිවරයා කීවේය.