සාමාන්ය පෙළ විභාග ප්රතිඵල සියයට 90%ක් දක්වා ගෙන ඒමට හැකියාවක් නොමැති විදුහල්පතිවරුන්ගේ වාර්ෂික වැටුප් වර්ධක තාවකාලිකව අත්හිටුවන බව මධ්යම පළාත් අධ්යාපන අධ්යක්ෂ අමරසිරි පියදාස සියලුම කලාප අධ්යාපන අධ්යක්ෂවරුන් වෙත දැනුම් දී ඇත.
ප්රතිඵල සියයට 90%ක ඉලක්කයට ළඟා වන සියලු විදුහල්පතිවරුන් සහ ගුරුවරුන් වෙත 2023 වර්ෂයේ විශේෂ දීමනාවක් ලබාදෙන බවත් සේවා කාලය තුළ එක් වරක් පමණක් ලබා දෙන මෙම දීමනාව වැටුප් වර්ධක තුනකට ලබාදෙන බවද මධ්යම පළාත් අධ්යාපන අධ්යක්ෂවරයා සඳහන් කර ඇත.
එනිසා ශිෂ්ය සාධනය ඉහළ නැංවීමට පාසල් මට්ටමින් කඩිනමින් සැලසුම් සකස් කරන ලෙසටත් දැනුවත් කිරීම් සිදුකරන ලෙසටත් පළාතේ පාසල්වල සාමාන්ය පෙළ විභාගයේ ප්රගතිය මේ මස (25) දින හෝ ඊට පෙර තමාට වාර්තා කරන ලෙසද මධ්යම පළාත් අධ්යාපන අධ්යක්ෂවරයා දැනුම් දී ඇත.
විභාග සමත් ප්රතිශතය සියයට 90%කට වඩා අඩු පාසල්වල මෙම 2023 වසරේ උසස්පෙළ අසමත් වීමේ අවදානමේ ඇති සිසුන් සුවිශේෂීව හඳුනාගන්නා ලෙසත් එම පාසල් වෙත ගොස් ගුරුවරුන්, සිසුන් සහ මවුපියන් සමග සාකච්ඡා කර පවතින තත්ත්වය මඟහරවා ගැනීමට සැලසුම් කරන ලෙසද මධ්යම පළාත් අධ්යාපන අධ්යක්ෂවරයා දැනුම් දී ඇත.

