Telephone:
+94779456435

Email:
editor.todaynewslk@gmial.com

මුෂ්ෆීකර් රහීම් පන්දුව අතින් ඇල්ලීමෙන් දැවී යයි

3 years ago

පන්දුව ස්පර්ශ කිරීමේ වරදට හසුව දැවී ගිය පළමු බංග්ලාදේශය ක්‍රීඩකයා බවට පත්වීමට මැදපෙළ පිතිකරු මුෂ්ෆීකර් රහීම්ට අද (06) සිදුවිය.

මුෂ්ෆීකර් රහීම්ට මෙලෙස අවාසනාවන්ත ලෙස දැවී ගියේ මේ වනවිට මීර්පූර් හිදී නවසීලන්තයට එරෙහිව පැවැත්වෙන පළමු ටෙස්ට් තරගයේ දීය.

බංග්ලාදේශ පළමු ඉනිමේ දී පන්දු 85කට මුහුණ දී ලකුණු 35ක් රැස්කරගෙන සිටිය දී පන්දුව ස්පර්ශ කිරීමේ වරදට හසුව මුෂ්ෆීකර් රහීම් දැවීගියේය.

නවසීලන්ත වේගපන්දු යවන ක්‍රීඩක කයිල් ජේමිසන් යොමුකළ පන්දුවක් පිත්තේ වැදීමෙන් පසු තණතිරුවේ වැදී කඩුල්ල ආසන්නයේ මදක් ඉහළ ගිය විට රහීම් එම පන්දුව අතින් වෙනත් දිශාවකට යොමුකළ අතර එහිදී ඔහු දැවී ගිය පිතිකරුවක් ලෙස තුන්වන විනිසුරුවරයා සංඥා කළේය.

ක්‍රිකට් ඉතිහාසය තුළ පන්දුව අතින් ස්පර්ශ කිරීමෙන් දැවී ගිය 11 වන අවස්ථාව ලෙසට මුෂිෆිකර්ගේ මෙම දැවීයාම ඉතිහාසයට එක් විය.