Telephone:
+94779456435

Email:
editor.todaynewslk@gmial.com

සමාජ මාධ්‍ය කැළඹූ ශවේන්ද්‍රගේ හා බිරිඳගේ ජෙට් ගමනේ ඡායාරූපය පිළිබඳ පැහැදිලි කිරීමක්

3 years ago

මේ වනවිට සමාජ මාධ්‍යවල සැරිසරමින් ඇති ආරක්ෂක මාණ්ඩලික ප්‍රධානී ජෙනරාල් ශවේන්ද්‍ර සිල්වා සහ ඔහුගේ සහකාරිය විශේෂ ජෙට් යානයක නැගී සිටින අයුරු දැක්වෙන ඡායාරූපය පිළිබඳ විශේෂ පැහැදිලිකිරීමක් ලැබී ඇත.

ඉන්දීය හමුදා ඇකඩමියේ (IMA) විසිර යාමේ පෙළපාලියේ ප්‍රධාන ආරාධිත අමුත්තා ලෙස සහභාගී වීම සඳහා ජෙනරාල් ශවේන්ද්‍ර සිල්වා සිදුකළ දිල්ලි නිල සංචාරයේ දී ඔහුට දිල්ලි සිට ඩෙහ්රාඩුන් දක්වා ගමන් කිරීම සඳහා ඉන්දීය ගුවන් හමුදාව විශේෂ පහසුකම් සලසා දී ඇති බව අනාවරණය වී තිබේ.

ඔහු දිල්ලියට පැමිණි පසු ඔහුට විශේෂ ජෙට් යානයකින් ඩෙහ්රාඩුන් වෙත යාමට සැලසුම් කර තිබූ බවත් ප්‍රභූවරුන් සඳහා වන සම්මත ප්‍රොටෝකෝලයට අනුව ඉන්දියානු ගුවන් හමුදාව ජෙනරාල් සිල්වාට ප්‍රධාන ආරාධිතයා ලෙස ඔහුගේ ගමනට මෙම ජෙට් යානය ලබා දී ඇති බවත් වාර්තා වේ.

2023 දෙසැම්බර් 9 වන දින ඔහු මෙම සංචාරයේ නිරත වී තිබිණි.