Telephone:
+94779456435

Email:
editor.todaynewslk@gmial.com

school children

නිවාඩු කාලයේදී දරුවන් පාසලට ගෙන්වා ගැනීම නවතන ලෙස ගුරු සංගමයක් අධ්‍යාපන ඇමතිගෙන් ඉල්ලයි

3 years ago

දරුවන්ගේ මානසික, කායික නිදහස හා අන්තර් සම්බන්ධතා වර්ධනය කර ගැනීම වෙනුවෙන් ලබාදෙන පාසල් නිවාඩු කාලයේදී ඇතැම් පාසල් දරුවන් දිගට ම පාසලට ගෙන්වා ගෙන ඉගැන්වීමට කටයුතු කරමින් සිටින බැවින් එය වැළැක්වීමට පියවර ගන්නැයි ශ්‍රී ලංකා නිදහස් ගුරු සංගමයේ ප්‍රධාන ලේකම් දිවානි හෙට්ටිගේ මහත්මිය අධ්‍යාපන ඇමැතිවරයාගෙන් ඉල්ලා සිටිනවා.

දරුවන් විනෝද ගමන් යෑම හා විවිධ ක්‍රීඩාවල යෙදීම සිදුවන්නේ පාසල් නිවාඩු කාලය තුළදී බවයි ඇය පෙනවා දෙන්නේ.

ලොව බොහෝ රටවල්වල පාසල් නිවාඩුව ක්‍රමවේදයක් අනුව ලබාදීම සිදුවන්නේ දරුවාගේ නිදහස් හා මානසික සුවය දරුවාට අවශ්‍ය නිසා බවත් නමුත් අප රටේ තරගකාරී අධ්‍යාපනය ක්‍රමය තුළ දැනටමත් දරුවන් මානසික හා ශාරිරික පීඩාවට පත්ව සිටින බව දැන දැනත් පාසල් නිවාඩු වාරයේ දී දරුවන්ගේ නිදහස අහිමි කරමින් නිවාඩු කාලය ද පාසල් වාරයක් කර ගෙන දරුවන් පාසල්වලට ගෙන්වා ඉගැන්වීමට පටන් ගෙන ඇති බව ඇය එම ලිපිය මඟින් පෙන්වා දී තිබෙනවා.

මේ තුළ විකෘති මනසක් දරුවන් තුළ ගොඩනැඟීමට පටන් ගෙන ඇත්තේ ඔවුන් දැඩි මානසික පීඩනයකට පත් වීම නිසා බව ඇය වැඩිදුරටත් සඳහන් කර සිටිනවා.