අන්තර් සමාජ එක්දින තරගාවලියේ එස්.එස්.සී ක්රීඩා සමාජය සහ බ්ලූම්ෆීල්ඩ් ක්රීඩා සමාජ අතර බ්ලූම්ෆීල්ඩ් පිටියේ ඊයේ පැවති තරගය අතරතුරදී එස්.එස්.සී ක්රීඩා සමාජය නියෝජනය කඇ කුසල් මෙන්ඩිස් විනය විරෝධි ලෙස හැසිරීම සම්බන්ධයෙන් ඉදිරි පියවර ගැනීමට ක්රිකට් ආයතනය සූදානම් වන බව වාර්තා වනවා.
මෙම තරගයේදී කුසල් මෙන්ඩිස් ඔහු මුහුණ දුන් දෙවැනි පන්දුවේදීම ලකුණු නොලබා දැවී ගියා.
එම දැවී යාමෙන් කුපිත වූ ඔහු බ්ලූම්ෆීල්ඩ් ක්රීඩා විවේකාගාරයේ දොරකට පාදයකින් පහරදී හානිකර තිබෙනවා.
කුසල්ගේ මෙම විනය විරෝධි හැසිරීම සම්බන්ධයෙන් බ්ලූම්ෆීල්ඩ් ක්රීඩා සමාජය විසින් මෙම තරගයේ තරග තීරකයා වෙත පැමිණිලි කර තිබෙනවා.
තරග තීරකයාගේ වාර්තාව අනුව මේ සම්බන්ධයෙන් ඉදිරි පියවර ගැනීමට ශ්රී ලංකා ක්රිකට් ආයතනය සැරසෙන බවයි වාර්තා වන්නේ.

