රෝහල් වර්ජනය හේතුවෙන් රෝගීන්ට සිදුවන අපහසුතා මඟහරවා ගැනීමට දිවයින පුරා රෝහල් සඳහා ත්රිවිධ හමුදාව කැඳවා තිබේ.
සෞඛ්ය අමාත්යංශය සිදුකළ ඉල්ලීමක් මත මෙලෙස ත්රිවිධ හමුදාව රෝහල් සඳහා කැඳවා ඇති බව වාර්තා වේ.
අද උදෑසන 06.30 සිට සෞඛ්ය සේවාවේ වෛද්යවරු හැර වෘත්තීය සමිති 72ක් පැය 24ක කාලයක් සඳහා සංකේත වැඩවර්ජනයක් ආරම්භ කළේය.
වෛද්යවරුන්ට ලබාදුන් රුපියල් 35,000ක දීමනාව තමන්ට ද ලබාදෙන ලෙස ඉල්ලමින් මෙම වෘත්තීය සමිති ක්රියාමාර්ගය දියත් කරන අතර අත්යාවශ්ය කටයුතු පමණක් සිදුකිරීමට ද සෞඛ්ය වෘත්තීය සමිති තීරණය කර තිබේ.
කෙසේවෙතත් අද පෙරවරුවේ සෞඛ්ය අමාත්ය රමේෂ් පතිරණ මහතා විසින් වර්ජනයේ නිරත වෘත්තීය සමිති සඳහා සාකච්ඡාවකට ද ආරාධනා කර ඇති බව සඳහන්ය.
මේ අතර වැඩබලන මුදල් අමාත්ය ෂෙහාන් සේමසිංහ මහතා අද (16) සවස සෞඛ්ය අමාත්ය වෛද්ය රමේෂ් පතිරණ මහතාව හමුවීමට නියමිතව තිබේ.
සෞඛ්ය ක්ෂේත්රයේ පවතින ගැටලු පිළිබඳව සාකච්ඡා කර විසඳුම් සෙවීම සඳහා අද සවස සෞඛ්ය අමාත්යවරයා හමුවන බව රාජ්ය අමාත්ය ෂෙහාන් සේමසිංහ මහතා සඳහන් කර ඇත.

