පුතා එල්ල කළ වෙඩි පහරින් පියා මියගිය පුවතක් ඊයේ (28) රාත්රියේ දැදිගම ජයලත් කන්ද ප්රදේශයෙන් වාර්තා වෙනවා.
එලෙස මියගොස් ඇත්තේ, 47 හැවිරිදි ඩබ්ලිව් .සම්පත් නම් අයෙක් වන අතර වෙඩිතැබීම සිදුකර කර ඇත්තේ 17 හැවිරිදි ඔහුගේ පුත්රයායි.
වල්ඌරන් කොටුකර ගැනීමට පියා සහ පුතා දෙපැත්තකින් ගොස් ඇති අතර, අනතුරුව පියා විදුලි පන්දම බිමට හරවා ලඳු කැලෑව අතරින් ගමන් කරමින් සිටිය දී පුතා ගිනිඅවිය ක්රියාත්මක කර තිබෙනවා.
එහිදී පුතා එල්ල කළ වෙඩිල්ලෙන් පියාගේ හිසට බරපතළ තුවාල සිදුව ඇති අතර, පියා එම ස්ථානයේ දීම ජීවිතක්ෂයට පත්ව තිබෙනවා.
අනතුරුව තමා අතින් සිදුවු වැරැද්දෙන් පියා මියගොස් ඇති බව දැනගත් පුතා ඥාතියෙක් සමඟ පොලීසියට පැමිණ භාරවී ඇති බවයි වාර්තා වන්නේ. (source – lankaline)

