Telephone:
+94779456435

Email:
editor.todaynewslk@gmial.com

විද්‍යාපීඨවලට සිසුන් ගැනීමේ ක්‍රමවේදය අලුත් වෙයි

3 years ago

මින් ඉදිරියට ජාතික අධ්‍යාපන විද්‍යාපීඨවලට සිසුන් ඇතුළත් කිරීමේ දී මාර්ගගත ක්‍රමය පමණක් අනුගමනය කිරීමට අධ්‍යාපන අමාත්‍යාංශය තීරණය කර තිබේ.

අමාත්‍යාංශයේ උසස් නිලධාරියෙක් සඳහන් කළේ මෙම ක්‍රමය යටතේ අයැදුම් කරන්නන්ට තමන් විද්‍යා පීඨ පාඨමාලාවට ඇතුළත් වීමට සුදුසුකම් ලබා තිබේද හා කුමන විද්‍යාපීඨයට ඇතුළත් විය හැකි ද යන්න පිළිබඳව ක්ෂණිකව දැන ගැනීමට හැකිවන බවයි.

එම නිළධාරියා වැඩිදුරටත් සඳහන් කළේ ඒ සඳහා නව දත්ත පද්ධතියක්ද සකස් කෙරෙන බවයි.

ඒ අනුව අයැදුම් කරන්නන්ගේ සුදුසුකම් අනුව නුසුදුස්සන් ඉවත්වීමේ ස්වයංක්‍රීය ක්‍රමයක් පද්ධතියට ඇතුළත් කිරීමට නියමිතය.

එමෙන්ම මෙවර ශිෂ්‍ය කණ්ඩායම් දෙකක් එකවර බඳවා ගැනීමට නියමිතය.

ඉහත දත්ත පද්ධතිය සකස් කිරීමට පෞද්ගලික අංශයේ සහාය ලබා ගැනීමට කැබිනට් අනුමැතිය ලද වහාම අයැදුම්පත් කැඳවීමට අමාත්‍යාංශය සැලසුම් කර තිබේ.