ගායිකාවක් සහ නිළියක් ලෙස ඉන්දියාවේ ජනප්රිය මල්ලිකා රාජ්පුත් (Mallika Rajput) ඊයේ (13) සිය නිවස තුළ ම සැක කටයුතු ලෙස මියගොස් සිටියදී සොයාගත් බව ඉන්දීය මාධ්ය වාර්තා කරනවා.
35 හැවිරිදි ඇගේ මරණය සියදිවි නසාගැනීමක් ලෙස වාර්තා වන අතර දේහය සුල්තාන්පූර් හි සිටකුන්ඩ් ප්රදේශයේ පිහිටි ඇගේ නිවසේ සිවිලිමේ විදුලි පංකාවක එල්ලී තිබියදී සොයාගත් බවයි සඳහන් වන්නේ.
මල්ලිකාගේ හදිසි වියෝව ආශ්රිත තත්ත්වයන් අපහැදිලි බවයි ඉන්දීය බලධාරීන් සඳහන් කරන්නේ.
ඇයගේ මව වන සුමිත්රා සිංගේ අනාවරණයන්ට අනුව පවුලේ පිරිස් නිදා සිටි බැවින් මල්ලිකාගේ මරණය කෙසේ සිදුවූවාද යන්න නොදන්නා බව සඳහන්.
ඉන්දීය වාර්තාවන්ට අනුව එරට බලධාරීන් ප්රකාශ කර ඇත්තේ ඇගේ මරණය මූලික වශයෙන් සියදිවි නසාගැනීමක් වන බවයි.
කෙසේ නමුත් පශ්චාත් මරණ පරීක්ෂණ වාර්තාව ලැබුණු පසු මරණයට නිශ්චිත හේතුව දැනගත හැකි වනු ඇති බවයි ඔවුන් පෙන්වා දී තිබුණේ.

