Telephone:
+94779456435

Email:
editor.todaynewslk@gmial.com

ලෝක රූ රැජින කිරුළ ක්‍රිස්ටියානා සිස්කෝවාට! ලොව පුරා රූප සුන්දරියන් විසි අට වසරකට පසු ඉන්දියාවට!

3 years ago

චෙක් ජනරජය නියෝජනය කළ සුරූපිනී, ක්‍රිස්ට්යානා සිස්කෝවා, 2024 ලෝක රූ රුජින ලෙස කිරුළු පැලඳියාය. ඒ, රටවල් රැසක තරගකාරිනියන් 111 ක් අභිබවා යමිනි.

ඒ, ඉන්දියාවේ මුම්බායි හි අතිඋත්කර්ශවත් අන්දමින් පැවැති තරගාවලියේ දීයි.

ලෝක රූ රැජින තරගාවලියක් ඉන්දියාවේ දී පවත්වා ඇත්තේ, වසර 28කට පසුව වීමත් විශේෂත්වයක්.

23 හැවිරිදි ක්‍රිස්ට්යානා සිස්කෝවා නිරූපිකාවකි. ඇය නීතිය පිළිබඳවත්, ව්‍යාපාර පරිපාලනය පිළිබඳවත් වෙන වෙනම උපාධි හදාරමින් සිටී. මීට පෙර චෙක් ජනරජ සුරූපිනියක ලෝක රූ රැජින කිරුළ දිනුවේ 2006 වසරේදීය.

ක්‍රිස්ට්යානා සිස්කෝවා ට කිරුළ පැලදීම සිදු කරනු ලැබුවේ, පසුගිය 2023 ලෝක රූ රුජින කිරැළ දිනා සිටි පෝලන්ත සුරූපිනිය කැරොලිනා බියෙලාව්ස්කා විසිනි.

මෙවර තරගාවලියේ දී දෙවැනි ස්ථානය දිනුවේ, ලෙබනනය නියෝජනය කළ සුරූපිනී යැස්මින් මයිටෝන්ය. තෙවැනි ස්ථානය දිනුවේ, ටි්‍රනිඩෑඩ්  සහ ටොබාගෝ දූපත් රාජ්‍යය නියෝජනය කළ සුරූපිනිය ආචේ ඒබ්‍රහෑම්ස්ය.

මෙම තරගාවලිය සඳහා ශ්‍රී ලංකාව නියෝජනය කරමින්, 27 හැවිරිදි කාවින්දි නෙත්මිණි තරග වැදුණා.