සාමාන්ය පෙළ හා උසස් පෙළ උත්තර පත්ර පරීක්ෂකවරුන් ඇතුළු විභාග රාජකාරිවල යෙදෙන නිලධාරීන්ගේ දීමනා වැඩි කිරීමට ඉදිරි සති තුන ඇතුළතදී කමිටුවක් පත් කරන බව අධ්යාපන අමාත්ය සුසිල් ප්රේම්ජයන්ත මහතා පවසනවා.
අමාත්යවරයා පවසා ඇත්තේ එම කමිටුවෙ වාර්තාව අනුව දීමනා වැඩිකරන ආකාරය සම්බන්ධව තීරණයක් ගත හැකි බවයි.
සාමාන්ය පෙළ විභාග පරීක්ෂකවරුන් 35,000ක් හා උසස් පෙළ විභාග පරීක්ෂකවරුන් 19,000 පමණ සිටින අතර මේ සියලු දෙනාට සෑහීමකට පත් විය හැකි මට්ටමේ දීමනාවක් ලැබෙනු ඇතැයි තමන් අපේක්ෂා කරන බව ද හෙතෙම මෙහිදී සඳහන් කළේය.
අමාත්යවරයා තවදුරටත් දැනුම් දී ඇත්තේ අලුතින් පත්වීම් ලබන ගුරුවරුන්ට ද උත්තර පත්ර පරීක්ෂාවට අයැදුම් කළ හැකි බවයි.

