Telephone:
+94779456435

Email:
editor.todaynewslk@gmial.com

2025 වසරේ ලග්න පලාපල – කුම්භ ලග්නය

2024 අලුත් අවුරුදු ලග්න පලාපල – කුම්භ ලග්නය

3 years ago

අලුත් අවුරුද්ද උදාවෙද්දී ලග්නාධිපති සෙනසුරු කුජ සමඟ ස්වක්ෂේත්‍ර බලයෙන් සස යෝගය උදාකරමින් ලග්නයේම ගමන් කරන අතර, බුධ සිකුරු රාහු දෙවැන්නේද රවි ගුරු තුන්වැන්නේ ද සඳු පහේ, කේතු අටේද ගමන් කරයි. මහෞෂධ යෝගය මෙන්ම මයුරපාල යෝගයද යෙදී ඇත. කුම්භ ලග්නයට කුජ, සිකුරු සුබයෝ වෙති.

ගෘහ ජීවිතය
පවුලේ දියුණුව ඇති කරයි. සිවිල් බලය පිරිස් බලය ඇති කරයි. මේ කාලසීමාව වඩාත් සුබ වේ. ස්ථිර වශයෙන් කටයුතු කරගෙන යා හැකිය. ලැබීමේ වාසනාව මතු වේ. ක්‍රමයෙන් දියුණුව ඇති වේ. ගෙදර දොර දියුණුව යහපත සැලසේ. නව නිවෙසක් සැකසීම සහ පදිංචියේ වෙනසකට කරුණුූ කාරණා යෙදිය හැකිය. කුජ දශා තිබෙන අයට ද සුබය. කරන කියන කටයුතු සාර්ථක වේ.

සහෝදරයන්ටද යහපත්ය. දුර බැහැර ගමන් බිමන් යෙදේ. බුධ දශා ගත කරන අයට ද නීචභංග යෝගය නිසා සුබ වෙයි. සියලු කටයුතු දියුණු වේ. සඳුගෙන්ද සුබපල ලැබේ. ක්‍රමානුකූලව කටයුතු කර ගෙන යෑම හැම අංශයකම දියුණුව ඇති කරගත හැකිය. රවි දශා ගත කරන අවිවාහක අයට මංගල යෝග උදා වේ. රාහු දශා තිබෙන අයට කරදර බාධා ඇති කරයි. පිළිවෙළකට කටයුතු කිරීමට නොහැකි වේ. වියදම් වැඩි වේ. අලාභ හානි ද ඇති වේ. යුගදිවියට බාධා වේ. කේතු දශාවද සුබ නැත. සතුරු කරදර හිතේ බිය ඇති වේ.

රැකියාව හා ආර්ථිකය
රැකියා හිමිකම් ලැබේ. රැකියා ද දියුණුූ වේ. සිකුරු දශා තිබේ නම් එයද වාසනාව මතු කිරීමට ප්‍රධාන හේතුවක් වේ. වෙහෙස මහන්සියක් නැතිව ආදායම් ලැබිය හැකිය. අලංකාරය විලාසිතාවන්ට සම්බන්ධ රැකියා ව්‍යාපාර ද දියුණු වේ. එම අංශවලින් උසස් තත්ත්වයට පත් විය හැකිය. ධනය දියුණු වේ.

අධ්‍යාපනය
විවේකය අඩුවේ. ඉගෙන ගන්නා අයගේ එම කටයුතු සාර්ථක වේ. උසස් අයගෙන් රජයෙන් උදව් උපකාර ලැබිය හැකිය. කීර්තිය ප්‍රසිද්ධිය ඇති වේ. කුම්භ ලග්න හිමියන්ට විද්‍යා, තාක්ෂණ අංශවල ඉගෙනීමට අවකාශ ලැබේ. ඔවුනට වඩා යහපත් ප්‍රතිඵල ඇති කරයි. අධ්‍යාපනයට වරදක් නැත. දරුවන් අධ්‍යාපනයෙන් දියුණුව වේ.

සෞඛ්‍යය
ශරීර සෞඛ්‍යය යහපත් වන අතර, දුක සැප දෙකටම ඔරොත්තු දේ. ලේ දෝෂ රෝග යෙදේ.

අය – 02 වැය – 08
සුබ වර්ණය – නිල්
සුබ මැණික් – නිල් මැණික්
ජය දින – අඟහරුවාදා ,සිකුරාදා
සුබ දිශාව – බටහිර
ජය අංක – 4,6

(ඡ්‍යොතිෂවේදී සෝමපාල විජේසූරිය – සුබසෙත)