Telephone:
+94779456435

Email:
editor.todaynewslk@gmial.com

ණයක් ගන්න මළ සිරුරක් බැංකුවට රැගෙන ආ කතක් අත්අඩංගුවට

3 years ago

මිය ගිය පුද්ගලයෙකු රෝද පුටුවක තබා බ්‍රසීලයේ රියෝ ඩි ජෙනෙයිරෝ බැංකුවට රැගෙනවිත් ණය මුදලක් ගැනීමට උත්සහ කළ කාන්තාවක් අත්අඩංගුවට ගෙන තිබෙනවා.

ඇය අමෙරිකානු ඩොලර් 3250ක ණය මුදලක් ලබා ගැනීමට උත්සහ කර ඇති බවයි විදෙස් මාධ්‍ය වාර්තාවල දැක්වෙන්නේ.

මෙලෙස අත්අඩංගුවට ගෙන ඇත්තේ 42 හැවිරිදි එරිකා ද සෝසා නමැති කාන්තාවක්.

මිය ගොස් ඇති පුද්ගලයා 68 හැවිරිදි පවුලෝ රොබෙර්ටෝ නම් පුද්ගලයෙකු වන අතර ඔවුන් දෙදෙනා ඥාතීන් වන බව සඳහන්.

එරිකා පවුලෝ රෝද පුටුවක තබා ගනිමින් රියෝ ඩි ජෙනෙයිරෝ බැංකුවට පැමිණ තිබෙනවා.

එම අවස්ථාවේ දී පවුලෝගේ බෙල්ල පහළට කඩා වැටී ඇස් වැසී තිබීම හේතුවෙන් බැංකුවේ කාර්ය මණ්ඩලයට සැකයක් මතුව ඇති බවයි පොලිසිය සඳහන් කළේ.

ණය අයැදුම් කිරීමේ කවුන්ටරය වෙත පැමිණ ණය ගැනීමට අත්සන් කරන ලෙස ඉල්ලා ඇති බව සඳහන්.

එම අවස්ථාවේදී බැංකුවේ කාර්ය මණ්ඩලයට සැක සිතී හදිසි ඇමතුම් අංකයට දුරකතන ඇමතුමක් ලබා දී ඇති බවයි පොලිසියේ ප්‍රකාශයක් උපුටා දක්වමින් විදෙස් මාධ්‍ය වාර්තා සඳහන් කළේ.