Telephone:
+94779456435

Email:
editor.todaynewslk@gmial.com

රාජ්‍ය සේවකයින් පිරිසකගේ විශ්‍රාම ගැන්වීමේ වයස වෙනස් කිරීමට කැබිනට් පත්‍රිකාවක්

3 years ago

හෙද සේවය ඇතුළු තෝරා ගත් සෞඛ්‍ය සේවාවන් කිහිපයක විශ්‍රාම ගැන්වීමේ වයස් සීමාව අවුරුදු 61 දක්වා වැඩි කිරීම සඳහා සෞඛ්‍ය අමාත්‍ය රමේෂ් පතිරණ විසින් කැබිනට් පත්‍රිකාවක් ඉදිරිපත් කර තිබෙනවා.

පාර්ලිමේන්තුවෙදී මන්ත්‍රී ගාමිණී වලේබොඩ මහතා ඇසූ ප්‍රශ්නයකට පිළිතුරු දෙමින් අමාත්‍යවරයා ඒ බව සඳහන් කළේය.

පාර්ලිමේන්තු මන්ත්‍රී ගාමිණී වලේබොඩ මහතා,
“හෙද සහ ඇතැම් වෛද්‍ය සේවාවල විශ්‍රාම යෑමේ වයස 63 දක්වා දිර්ඝ කිරීමේ තීරණයක් ගත්තා. එය ක්‍රියාත්මක නොවෙන තත්ත්වයට පත්වුණා. දැන් මේකේ ප්‍රතිඵලයක් විදිහට රත්නපුරේ තිබෙන හෙද පුහුණු පාසලේ විදුහල්පති විශ්‍රාම ගිහිල්ලා ඊළඟ කෙනාට හෝ වෙන විදුහල්පති කෙනෙකුට වැඩ භාරදෙන්නේ නැතුව දැන් රෝහලට වෙලා ඉන්නවා. මේ 63 ක්‍රියාත්මක වෙනවද නැද්ද කියන එක පිළිබඳව දෙපාර්තමේන්තු ප්‍රධානීන් ඇතුළු කාණ්ඩායම් දැන්නෙත් නෑ. වෛද්‍ය අධ්‍යක්ෂ දන්නේත් නෑ. හෙද පුහුණු විදුහලේ කටයුතු පවත්වාගෙන යන්න විදිහකුත් නෑ.”

සෞඛ්‍ය අමාත්‍ය වෛද්‍ය රමේෂ් පතිරණ මහතා,
“මේ සම්බන්ධයෙන් අධිකරණමය කටයුත්තක් තියෙනවා. එකේදී අපට එකඟවෙන්න කියලා කිව්වේ වයස 61 දක්වා දිර්ඝ කරන්න. ඒ සම්බන්ධයෙන් අපි කැබිනට් මණ්ඩලයට පත්‍රිකාවක් ඉදිරිපත් කළා. අවුරුදු 61 වඩා දිර්ඝ කිරීමක් නැහැ.”

මේ අතර හෙද සේවයට අලුතින් තුන්දහසක් බඳවා ගැනීමට නියමිත බවයි සෞඛ්‍ය අමාත්‍යවරයා සඳහන් කළේ.

මේ වනවිටත් හෙද සේවයේ 45,000ක් පමණ සේවයේ නිරත වන බවත් පුරප්පාඩු පවතින්නේ දහසක පමණ සංඛ්‍යාවක් පමණක් බවත් අමාත්‍යවරයා වැඩිදුරටත් සඳහන් කර සිටියා.