විවිධ කර්මාන්තවල සේවයේ යෙදෙන වයස අවුරුදු 55 සපිරුණු සියලු ශ්රමිකයන්ට සමාජ ආරක්ෂණ ප්රතිලාභයක් ලබාදිය හැකි වන පරිදි සකස් කෙරුණු යෝජනාවට කැබිනට් අනුමැතිය හිමි වී තිබෙන බව කම්කරු සහ විදේශ රැකියා අමාත්ය මනූෂ නානායක්කාර මහතා පැවසීය.
“ගරුසරු” වැඩසහනට සමගාමීව සකස් කෙරෙන මෙම ක්රියාවලිය සඳහා නීතිමය ප්රතිපාදන සකස් කිරීම ද මේ වන විට ආරම්භ කර තිබෙන බව ද අමාත්යවරයා සඳහන් කළේය.
කම්කරු සහ විදේශ රැකියා අමාත්ය මනූෂ නානායක්කාර මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් අද (28) ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවට එක්වෙමිනි.
“විශේෂයෙන්ම වෘත්තීය සමිති හදන්න බැරි මාධ්යවේදීන්ට, ප්රාදේශීය මාධ්යවේදීන්ට, පින්තාරුකරුවන්ට, ත්රීරෝද රථ රියදුරෝ, බස් රියදුරෝ සියලුදෙනාට මේක හරහා ලියාපදිංචි වෙලා ශක්තිමත් වෙලා තමන්ගේ ගරුත්වය හදාගන්න පුළුවන් වැඩසටහන අපි හදනවා. මම අනුමැතිය හම්බ වුණා කැබිනට් මණ්ඩලයේ වාර්තාව හදන්න. රටේ ශ්රම බළකායට රාජ්ය අංශයට විශ්රාම වැටුපක් හම්බ වෙනවා. පුද්ගලික අංශයට ETF/ EPF හම්බ වෙනවා. හැබැයි අනෙකුත් ලංකාවේ ගණන් හිලව් නැති අයට අපි ලබාදෙනවා අවුරුදු 55 ඉවර වුණාම සමාජ සුබ සාධන ක්රමවේදයක්. ඔවුන්ටත් විශ්රාම අයිතියක් ලබාදෙනවා දීමනාවක් ලබාදෙන විදියට. අපි ලබන සතියේ කැබිනට් මණ්ඩලයට ඉදිරිපත් කරලා ඊට අවශ්ය නීතිමය ප්රතිපාදන හදන ක්රමවේදය අපි ආරම්භ කරනවා.”

