රාජ්ය අංශයේ පවතින වැටුප් විෂමතා විසඳීමේ අවශ්යතාවය රජයට පවතින බව අමාත්ය බන්දුල ගුණවර්ධන මහතා පවසයි.
නමුත් ඒ සඳහා 2024 අයවැය ලේඛනය මඟින් අතිරේක මූල්ය ප්රතිපාදන ලබාගැනීමේ හැකිවක් නොමැති බවයි අමාත්යවරයා සඳහන් කරන්නේ.
අමාත්යවරයා වැඩිදුරටත් පෙන්වා දෙන්නේ රාජ්ය දෙපාර්තමේන්තු, රාජ්ය සංස්ථා සහ ව්යවස්ථාපිත මණ්ඩල ආශ්රිත වැටුප් විෂමතා ඇතුළු වැටුප් සම්බන්ධව පවතින ගැටළුවලට විසඳුම් ලබාදීම සඳහා ජනාධිපති ලේකම්වරයාගේ සහ මුදල් අමාත්යාංශ ලේකම්වරයාගෙන් සමන්විත කමිටුවක් මේ වන විටත් පත්කර ඇති බවයි.
ඒ අනුව ඒ සඳහා විසඳුම් නිර්දේශ ඉදිරිපත් කර 2025 අයවැය ලේඛනයෙන් සම්පූර්ණ විසඳුම් ලබාදීම සඳහා ජනාධිපති රනිල් වික්රමසිංහ මහතා ප්රමුඛ අමාත්ය මණ්ඩලය තීරණය කළ බව ඔහු පවසනවා.
ජනාධිපති මාධ්ය කේන්ද්රයේ පැවති මාධ්ය හමුවකට එක්වෙමින් අමාත්ය බන්දුල ගුණවර්ධන මහතා මේ බව සඳහන් කළේය.

