එළඹෙන ජූලි මස මුල් සතියේ දී උපාධිධාරී ගුරු පත්වීම් 2,300ක් ලබාදීමට අවශ්ය පියවර ගන්නා බව අධ්යාපන අමාත්ය සුසිල් ප්රේමජයන්ත මහතා පවසනවා.
නාත්තණ්ඩිය ප්රදේශයේ පාසලක පැවති උත්සවයකට එක්වෙමින් අමාත්යවරයා මේ බව සඳහන් කළා.
සුසිල් ප්රේමජයන්ත මහතා මෙහිදී වැඩිදුරටත් පවසා සිටියේ එම සියලු උපාධිධාරීන් විභාගයකට පෙනී සිටීමෙන් අනතුරු ව සම්මුඛ පරීක්ෂණ සඳහා ද මේ වන විට පෙනී සිට ඇති බවයි.
ගණිතය, රසායන විද්යාව, භෞතික විද්යාව, ජීව විද්යාව, සිංහල, ඉංග්රීසි, දමිළ මාධ්යයන් හා තාක්ෂණවේදය මෙන්ම විදේශ භාෂා යන විෂය ධාරාවල උපාධිධාරීන් සඳහා මෙම පත්වීම් ලබා දීමට නියමිත බව අමාත්යවරයා සඳහන් කර තිබෙනවා.


