Telephone:
+94779456435

Email:
editor.todaynewslk@gmial.com

පොසොන් පොහොයට හොල්මන් මන්දිර තහනම්?

2 years ago

පොසොන් පොහෝ දා විකාරරූපී හොල්මන් මන්දිර ප්‍රදර්ශනය තහනම් කිරීමට කටයුතු කරන ලෙස අස්ගිරි විහාර පාර්ශ්වයේ පුත්තලම මහ දිසාවේ ප්‍රධාන සංඝනායක මිගෙට්ටුවත්තේ සුමිත්ත නාහිමියන් බෞද්ධ කටයුතු කොමසාරිස් ජනරාල්වරයාගෙන් හා පොලිස්පතිතුමාගෙන් ලිඛිතව ඉල්ලීමක් කර තිබෙනවා.

නාහිමියන් ඉල්ලා සිටින්නේ, පොසොන් පොහොය මූලික කර ගනිමින් රටේ සමහර විහාරස්ථාන හා සංවිධාන කේන්ද්‍ර කරගෙන හොල්මන් මන්දිර වැනි විකාර සංදර්ශන පැවැත්වීමට මේ වනවිට සැලසුම් කර ඇති අතර මෙවැනි ආකාරයේ විකාරරූපී දේවල් සිදු නොකරන ලෙසයි.

එමෙන්ම ඒ ඔස්සේ ළමා පරපුරට වැරදි පූර්වාදර්ශයක් සපයන බව නාහිමියන් පවසනවා.

මිගෙට්ටුවත්තේ සුමිත්ත නාහිමියන් වැඩිදුරටත් සඳහන් කරන්නේ පොසොන් පෝය යනු හොල්මන් මන්දිර පෙන්වන පෝයක් යන මතය දරුවන් තුළ හටගැනීමට ඉඩ ඇති අතර ඒ හේතුවෙ​න් මෙවර පොසොන් පෝයට හොල්මන් මන්දිර කඩිනමින් තහනම් කිරීමට පියවර ගන්නා ලෙසයි.