ඉදිරි මාස කීහිපයේදී දිවයිනේ ප්රමුඛ පාසල් 1,250ක් සුහුරු පාසල් ලෙස සංවර්ධනය කර අධ්යාපන අමාත්යාංශයේ සිට මෙහෙයවිය හැකිවන සේ එකම ජාලයකට ගන්නා බව අධ්යාපන අමාත්ය ආචාර්ය සුසිල් ප්රේමජයන්ත් මහතා පැවසී ය.
ඒ සඳහා චීන රජයෙන් ඩොලර් මිලියන 20ක ප්රදානයක් ලැබෙන බවත් අමාත්යවරයා මෙහි දී සඳහන් කළේ ය.
ඒ මහතා මේ බව පැවසුවේ කොළඹ සිරිමාවෝ බණ්ඩාරනායක බාලිකා විදුහලේ 1ශ්රේණියේ සිට 5ශ්රේණිය දක්වා සියලුම පන්ති කාමර සුහුරු පන්ති කාමර බවට පත් කර ඒවා සිසු අයිතියට පත් කිරීමේ උත්සවයට සහභාගී වෙමිනි.
ඉදිරියේ දී විද්යාපීඨ සියල්ල එක් කර එක් විශ්වවිද්යාලයක් බවට පත් කරන බවත් සුසිල් ප්රේමජයන්ත් මහතා පැවසීය.
ඒ අනුව 2028 වර්ෂයෙන් පසු ගුරුවරුන් ලෙස බඳවා ගන්නේ අධ්යාපනවේදී උපාධිධාරීන් බවත් ඩිප්ලෝමාධාරීන් ඉදිරියේ දී ගුරු වෘත්තියට බඳවා නොගන්නා බවත් මෙහි දී අමාත්යවරයා සඳහන් කළේය.
වේගයෙන් වෙනස් වන දැනුම අනුව ගුරු වෘත්තිකයන්, වෛද්යවරුන් වැනි සෑම වෘත්තිකයකු ම සිය දැනුම යාවත්කාලීන කරගත යුතු බවත් ඒ මහතා වැඩිදුරටත් පැවසීය.


