Telephone:
+94779456435

Email:
editor.todaynewslk@gmial.com

සජිත් ප්‍රේමදාස හා දෙරණ නාලිකාව අතර අර්බුදය උඩුදුවයි! සජිත්ගේ ලිපියට දෙරණෙන් පිළිතුරු ලිපියක්

2 years ago

සජිත් ප්‍රේමදාස මහතා වෙනුවෙන් එම පක්ෂයේ මාධ්‍ය ලේකම් ඒරානන්ද හෙට්ටිආරච්චි දෙරණ නාලිකාව වෙත යවන ලද ලිපියක් හේතුවෙන් මේවනවිට එම නාලිකාව සහ සමගි ජන බලවේගය අතර අර්බුදයක් මතුව තිබෙනවා.

ඒරානන්ද හෙට්ටිආරච්චි දෙරණ නාලිකාව වෙත ලිඛිතව දන්වා ඇත්තේ 360 වැඩසටහන සඳහා සජිත් සහභාගී නොවන පසුබිමක ඔහුගේ සහභාගිත්වය සඳහන් කරමින් පුර්ව ප්‍රචාරක පට විකාශය කිරීම වැරදි කටයුත්තක් බවයි.

ජනාධිපතිවරණයට ඉදිරිපත් වන අපේක්ෂකයින් 7 දෙනෙකු සඳහා දින 7කදී විශේෂ ‘360 වැඩසටහන’ සඳහා ආරාධනා කර තිබූ අතර ඒ සම්බන්ධයෙන් පූර්ව ප්‍රචාරක පටද ප්‍රචාරය කර තිබුණි.

කෙසේ වෙතත් සජිත් ප්‍රේමදාස මහතාගේ පැමිණීම ස්ථිර කරමින් දෙරණ වෙත දන්වා තිබු අතර තමන් සහභාගී නොවන බව ඔහු දන්වා ඇත්තේ අවසන් මොහොතෙයි.

සමගි ජන බලවේගයට හිතවාදී සමාජ මාධ්‍ය කණ්ඩායම් විසින් මේ වන විට දෙරණ නාලිකාව විවේචනය කරමින් සමාජ මාධ්‍ය සටහන් පළ කිරීම ආරම්භ කර තිබේ.

එම ලිපියට දෙරණ නාලිකාවද පිළිතුරු ලිපියක් යවා තිබේ.