වැඩබලන පොලිස්පතිවරයා ලෙස ජ්යේෂ්ඨ නියෝජ්ය පොලිස්පති ප්රියන්ත වීරසූරිය මහතාව පත් කර තිබේ.
ඊට අදාළ පත්වීම් ලිපිය ජනාධිපති ලේකම් ආචාර්ය නන්දික කුමානායක මහතා විසින් අද (27) ජනාධිපති කාර්යාලයේ දී ඒ මහතා වෙත පිළිගැන්විය.
මේ වනවිට උතුරු මැද නියෝජ්ය පොලිස්පතිවරයා ලෙස කටයුතු කරන හෙතෙම මීට පෙර අපරාධ හා රථවාහන දිසාව භාර ජ්යෙෂ්ඨ නියෝජ්ය පොලිස්පති, උතුරු හා මධ්යම පළාත් භාර ජ්යෙෂ්ඨ නියෝජ්ය පොලිස්පති, පොලිස් සැපයුම් අංශයේ අධ්යක්ෂ යන තනතුරුද හොබවනු ලැබීය.
ඔහු පොලිස් දෙපාර්තමේන්තුවේ වසර 36කට වැඩි සේවා කාලයක් හිමි නිලධාරියෙකි.
කොළඹ විශ්වවිද්යාලයේ නීතිවේදී උපාධිධාරියකු ලෙසද, ශ්රී ලංකා නීති විද්යාලයේ නීතිඥවරයකු වශයෙන්ද දිවුරුම් දීමෙන් පසුව සහකාර පොලිස් අධිකාරී තනතුර සඳහා ඔහු පත්වී ඇත.
මානව සම්පත් කළමනාකරණය පිළිබඳ ව්යාපාර පරිපාලනවේදී උපාධියද ලබා ඇති හෙතෙම නැගෙනහිර ටිමෝරයේ සහ හයිටි රාජ්යයේ සාමසාධක මෙහෙයුම් සඳහා සහකාර පොලිස් අධිකාරිවරයකු හා පොලිස් අධිකාරිවරයකු ලෙස එක්ව තිබේ.
මෙම රාජකාරි කාලසීමාව තුළ පොලිස්පතිවරුන් දසදෙනකු විසින් පොලිස් සේවයට කළ සේවය අගයමින් ප්රශංසාත්මක ලිපි ලබාදී ඇත.

