කාර්යක්ෂම ජනතාවාදී රාජ්ය සේවයක් නිර්මාණය කිරීම සඳහා කැපවන රාජ්ය සේවකයින් වෙනුවෙන් තමන් පෙනී සිටින බව ජනාධිපති අනුර කුමාර දිසානායක ප්රකාශ කළා.
පුරවැසියා වෙනුවෙන් කටයුතු කරන රාජ්ය නිලධාරීන්ට මෙතෙක් කල් පැවති සාම්ප්රදායික දේශපාලන පළිගැනීම්වලට මින් ඉදිරියේදී මුහුණු දීමට සිදු නොවන බවයි ජනාධිපතිවරයා පවසා සිටියේ.
ජනාධිපති අනුර කුමාර දිසානායක කෘෂිකර්ම, ඉඩම්, පශු සම්පත්, වාරිමාර්ග, ධීවර හා ජලජ සම්පත් අමාත්යවරයා ලෙස අද (03) පෙරවරුවේ කෘෂිකර්ම අමාත්යංශයේදී වැඩ භාරගැනීමෙන් අනතුරුව අමාත්යාංශ නිලධාරීන් සමඟ පැවති සාකච්ඡාවේදී මේ බව සඳහන් කර සිටියා.
කෘෂිකර්ම අමාත්යංශයේ වත්මන් තත්ත්වය සහ ඉදිරි කටයුතු පිළිබඳව ජනාධිපති අනුර කුමාර දිසානායක, අමාත්යාංශ ලේකම්වරු ඇතුළු අමාත්යංශයේ ඉහළ නිලධාරීන් සමඟ මෙහිදී දීර්ඝ ලෙස සාකච්ඡා කරනු ලැබුවා.

