Telephone:
+94779456435

Email:
editor.todaynewslk@gmial.com

ඇල්පිටිය ඡන්ද ප්‍රතිඵල දෙන්නේ මෙහෙමයි

2 years ago

ඇල්පිටිය ප්‍රාදේශීය සභා ඡන්ද විමසීමට අදාළව සියයට 63ක ප්‍රතිශතයක් ඡන්දය භාවිත කර තිබේ.

ගාල්ල දිස්ත්‍රික් තේරීම්භාර නිලධාරී ඩබ්ලිව්.ඒ. ධර්මසිරි මහතා මේ බව පැවසීය.

අද උදෑසන 7ට ආරම්භ වූ ඡන්ද විමසීම පස්වරු 4ට අවසන් වූ අතර මේ වන විට ඒ ඒ ඡන්ද පොළේදීම ඡන්දය ගණන් කිරීමේ කටයුතු ආරම්භ කිරීමටද පියවර ගෙන තිබේ.

ඇල්පිටිය මැතිවරණයට අදාළව ඡන්ද මධ්‍යස්ථානයේදීම ගණන් කිරීමේ කටයුතු ද සිදුකෙරෙන බව මැතිවරණ කොමසාරිස් ජනරාල් සමන් ශ්‍රී රත්නායක මහතා පවසනවා.

ඔහු පැවසුවේ, එම ගණන් කිරීමෙන් පසු ගාල්ල තේරීම් භාර නිලධාරියාට එම ප්‍රතිඵල ලබා දෙන බවත් ඉන් පසු තේරී පත්වන සභිකයින් සංඛ්‍යාව සහ එක් එක් දේශපාලන පක්ෂ ලබාගත් ඡන්ද සංඛ්‍යාව නිවේදනය කරන බවයි.

එහිදී ඔහු වැඩිදුරටත් සදහන් කළේ,

“ඡන්ද මධ්‍යස්ථානයේම තමයි ගණන් කිරීමේ කටයුතු කරන්නේ. ඡන්ද මධ්‍යස්ථාන 48ක් තියෙනවා කොට්ඨාස 17ක් සඳහා. කොට්ඨාසය 17ට අදාළ ඡන්ද ප්‍රතිඵල සියල්ල ගාල්ල තේරිම් භාර නිලධාරියාට භාර දුන්නාට පස්සේ ඒ 17 එකතුව අරගෙන එක් එක් කොට්ඨාස ජයග්‍රාහකයෝ කවුද? ඒ වගේම මේ සඳහා තේරීපත්වෙන අතිරේක ලැයිස්තු මන්ත්‍රී සංඛ්‍යාව කීයද? කියන එක සිදුකරනු ලබනවා. ඒ කියන්නේ එක් එක් දේශපාලන පක්ෂ ලබාගත් ඡන්ද සංඛ්‍යාව අනුව ඔවුන්ට හිමිවෙන ආසන සංඛ්‍යාව කීයද? ඔවුන් කොට්ඨාසය ජයග්‍රහණය කරපු ප්‍රමාණය කීයද? ඉතිරි ආසන සංඛ්‍යාව කීයද? කියන නිවේදනය නිකුත් කරනු ලබනවා.”